Elm Festivalında Dünya Azərbaycanlı Alimləri Birliyinin üzvləri ilə görüş keçirilib
Elm Festivalı çərçivəsində növbəti tədbir “Elmlə səyahət: Elm göründüyündən daha yaxındır” mövzusunda Dünya Azərbaycanlı Alimləri Birliyinin (DAAB) təqdimatı ilə hibrid formada keçirilib.
Tədbirin açılşında çıxış edən elm və innovasiya üzrə prorektor prof. Rövnəq Rzayev, Tədqiqat mərkəzlərinin işinin əlaqələndirilməsi və təşkili şöbəsinin müdiri Rəna Hüseynova Elm Festivalı çərçivəsində keçirilən tədbirlər alimlərə məlumat veriblər.
Sonra Dünya Azərbaycanlı Alimləri Birliyinin üzvlərinin iştirakı ilə “Elmlə səyahət: Elm göründüyündən daha yaxındır” mövzusi ətrafında geniş müzakirələr aparılıb.
İsrailin Kaye Akademik Təhsil Kollecinin professoru Mark Applebaum, Türkiyənin İstanbul Ticarət Universitetinin professoru Abdulla Sofiyev, Sakarya Universitetinin professoru Hasan Tutar, ODTU-nun professoru Əmdulla Mehrabov, prof. Şahlar Əsgərov, prof. Şəfa Əliyev, Elmin populyarlaşdırılması mərkəzinin rəhbəri Etibar Əliyev və digər iştirakçılar Azərbaycan elminin inkişafı məqsədilə görülməli olan işlərlə bağlı fikirlər səsləndiriblər.