UNEC Almaniyanın nüfuzlu ali məktəbləri ilə əlaqələri genişləndirir

10 MART 2016 | VIEWS:
1929

Alman Akademik Mübadilə Xidmətinin (DAAD) Bakı Məlumat Mərkəzinin rəhbəri xanım Stefanie Dufaux Azərbaycan Dövlət İqtisad Universitetində (UNEC) olub.

Görüşdə xanım S.Dufauxa UNEC-in Beynəlxalq İqtisadiyyat Məktəbi, SABAH qrupları ilə reallaşdırılan ikili dərəcə proqramı haqqında ətraflı məlumat verilib. Universitetin beynəlxalq əlaqələri, imtahan prosesi, Azərbaycan ali təhsil müəssisələri arasında ilk dəfə tətbiq olunan diferensial əməkhaqqı sistemi və digər yeniliklər qonağın diqqətinə çatdırılıb. Xanım S.Dufaux Beynəlxalq İqtisadiyyat Məktəbi və SABAH qruplarının dərslərində iştirak edib.

UNEC-un rektoru, professor Ədalət Muradovla görüşən xanım Stefanie Dufaux İqtisad Universiteti ilə Alman Akademik Mübadilə Xidməti arasında əməkdaşlıq məsələlərini müzakirə ediblər. Əməkdaşlıq çərçivəsində Almaniyanın nüfuzlu universitetlərinin professorlarının UNEC-də tədrisə dəvət edilməsi təklif olunub. Eləcə də UNEC magistrantlarının European Recovery Programına qatılması (ERP), alman ali təhsil müəssisələri ilə əməkdaşlıq əlaqələrinin qurulması, DAAD-ın təqaüd proqramlarında UNEC tələbə, magistrant və doktorantlarının iştirakı nəzərdə tutulub. UNEC-də təhsil alan fiziki qüsurlu tələbələrin təhsil qrantlarına qatılması da vurğulanıb.

1930 2