UNEC-in Zaqatala filialında “Region müəssisə və təşkilatlarında rəqəmsallaşma: problemlər və inkişaf perspektivləri” mövzusunda Beynəlxalq elmi-praktiki konfrans keçiriləcək

14 YANVAR 2026

UNEC Zaqatala filialının təşkilatçılığı ilə, filialın 10 illiyinə və Ulu Öndər Heydər Əliyevin anadan olmasının 103 illik yubileyinə həsr olunmuş “Region müəssisə və təşkilatlarında rəqəmsallaşma: problemlər və inkişaf perspektivləri” mövzusunda Beynəlxalq elmi-praktiki konfrans 29–30 aprel 2026-cı il tarixlərində UNEC Zaqatala filialında keçiriləcək.

Konfransın istiqamətləri:

  • Region müəssisə və təşkilatlarında rəqəmsallaşma
  • Region müəssisə və təşkilatlarında insan kapitalı və rəqəmsal savadlılıq səviyyəsinin araşdırılması

Məqalələrin tərtibinə dair tələblər:

Məqalənin həcmi:

  • Tələbə və magistrantlar üçün — 3 səhifədən (A4) çox olmamalıdır
  • Professor-müəllim heyəti, doktorantlar və digər iştirakçılar üçün — 6 səhifədən (A4) çox olmamalıdır

Şrift və format:

  • Times New Roman, 12 pt
  • Sətirarası interval: 1,5

 Kənar boşluqlar:

  • Sol: 25 mm
  • Sağ: 10 mm
  • Yuxarı və aşağı: 20 mm

Konfransın işçi dilləri: azərbaycan, türk, rus və ingilis dilləri

İstinad olunan ədəbiyyatın nömrəsi və səhifəsi mətn daxilində göstərilməlidir
(məsələn: 1, səh.15)

Məqalənin tərtibat ardıcıllığı:

  • Müəllifin adı, soyadı
  • Müəssisə və təşkilatın adı
  • E-mail ünvanı və telefon nömrəsi
  • Məqalənin adı
  • Xülasə (100–150 söz)
  • Açar sözlər (5–10 söz)
  • Mətn
  • Ədəbiyyat siyahısı
    (nümunə: Əsgərov Ş.G. “Tərəqqinin fəlsəfəsi”, UNEC EXSPERT, 2016, №2, səh. 6)

Təqdim olunan məqalələrdə elmi yenilik, səmərəlilik, praktiklik və faydalılıq kimi meyarların əks olunması vacibdir.

Məqalələrin göndərilməsi üçün elektron poçt ünvanı: [email protected]

Vacib tarixlər:
Məqalələrin qəbuluna başlanma tarixi: 1 mart, 2026
Məqalələrin son göndərilmə tarixi: 10 aprel, 2026
Konfrans proqramının yayımlanması: 23 aprel, 2026
Konfransın keçirilmə tarixi: 29–30 aprel, 2026

Əlaqə telefonu: 051 362 82 26 (X.Babayeva)
Sizi beynəlxalq elmi-praktiki konfransda iştirak etməyə dəvət edirik!