emek_sevinc_fotoi.e.n., dos. Bayramova Sevinc Rafiq qızı

1966-cı ildə Bakı şəhərində anadan olmuşdur.

1988-ci ildə D.Bünyadzadə adına Azərbaycan Xalq Təsərrüfatı İnstitutunu (indiki Azərbaycan Dövlət İqtisad Universiteti) “Əməyin iqtisadiyyatı və sosiologiyası” ixtisası üzrə fərqlənmə diplomu ilə bitirmiş və Leninqrad Maliyyə-İqtisad İnstitutunun aspiranturasına göndərilmişdir.

1991-ci ildə Leninqrad Maliyyə-İqtisad İnstitutunda vaxtından əvvəl namizədlik dissertasiyasını müdafiə edərək, iqtisad elmləri namizədi elmi dərəcəsinə layiq görülmüş, Azərbaycan Dövlət İqtisad Universitetinin “Əməyin iqtisadiyyatı və təşkili” kafedrasına müəllim vəzifəsinə təyin olunmuşdur.

 

 

1995-ci ildən həmin kafedrada baş müəllim, 2000-ci ildə isə dosent vəzifəsinə keçmişdir.

58 elmi və metodiki əsərin müəllifidir.

2006-cı ildə Əmək və Əhalinin Sosial Müdafiə Nazirliyinin xətti ilə Respublika üzrə bütün rayonlarda keçirilmiş Əmək yarmarkalarında sosioloji sorğu aparmışdır.

2008-ci ildə Moskva şəhərində Ali İqtisadiyyat Məktəbində “Əməyin iqtisadiyyatı” üzrə təkmilləşdirmə kursları keçmiş və diplom almışdır.

06 oktyabr 2017-ci ildə uzun müddətli səmərəli elmi-pedaqoji fəaliyyətinə görə UNEC-in “Fəxri Fərmanı” ilə təltif edilib.

Hazırda UNEC-in “Əməyin iqtisadiyyatı və təşkili” kafedrasının dosentidir.
*

UNEC-də “Strateji Yol Xəritəsi” öyrənilir (19.01.2017)