“Gənc Bankir Məktəbi” yenidən UNEC-də

18 NOYABR 2016 | VIEWS:
2186

Azərbaycan Dövlət İqtisad Universitetində (UNEC) “Gənc Bankir Məktəbi” layihəsinə yenidən start verilib. “Gənc Bankir Məktəbi-2” “SUES” İB-nin təşkilatçılığı, “Bank of Baku” ASC-nin tərəfdaşlığı, “Reduco” Tədris Mərkəzinin sponsorluğu ilə gerçəkləşdirilib.

Açılış mərasimində cıxış edən SUES sədri  Hidayət Kərimov tələbələrin nəzəri biliklərinin praktikada tətbiqində “Gənc Bankir Məktəbi”nin rolundan danışıb. “Bank of Baku”nun mütəxəssisləri tələbələri təlimatlandırdıqdan sonra püşkatma mərasimi keçirilib və iştirakçılar müəyyənləşdirilib.

“Gənc Bankir Məktəbi – 2” layihəsinə qoşulan 98 kopmandanın 37-si  mərhələlərdən uğurla keçərək iştirak hüququ qazanıb.

Bütün iştirakçılar dörd həftə ərzində “Bank of Baku” mütəxəssislərinin təlimlərində iştirak edərək praktiki biliklərini artıracaqlar.  Komandalar püşkatma yolu ilə müəyyənləşən ölkənin bank sistemi haqqında araşdırma aparacaq və münsiflər heyətinə təqdim edəcəklər.

Qalib komanda “Bank of Baku”nun qış təcrübə proqramına qatılacaq.

2187 1