Ölkədə ilk dəfə olaraq UNEC Research Assistant Suni İntellekt alətindən istifadə edəcək
95 illik yubileyi çərçivəsində UNEC Azərbaycanda növbəti ilkə imza atıb.
Belə ki, UNEC tədqiqatçıları elm və tədqiqat sahəsindəki yenilikləri izləmək üçün Web of Science Research Assistant suni intellekt alətindən istifadə edə biləcəklər.
Web of Science Research Assistant dünyanın ən etibarlı multidissiplinar istinad bazası olan “Web of Science Core Collection”ın imkanlarından daha geniş istifadə etmək imkanı yaradır. Bu suni intellekt aləti tədqiqatçıların sorğularını analiz edərək, onlara uyğun ədəbiyyat və resursları təqdim edir. Müraciətlər azərbaycan dilində də cavablandırılır, bu isə tələbə və müəllimlərə öz tədqiqatlarını daha rahat və sürətli şəkildə aparmalarına şərait yaradacaq.
Research Assistant aləti tədqiqatçıların sorğuları əsasında mövzular haqqında qısa xülasə hazırlayır, əlaqəli ədəbiyyatları təqdim edir və həmin ədəbiyyatların başqa resurslarla əlaqələrini göstərir. Əlavə olaraq, bu alət mövzunun tədqiqat dinamikasını illər üzrə vizual və siyahı olaraq təqdim edir və ən yaxşı 10 müəllif profilini də müəyyən edir. Bu, UNEC-in akademik və tədqiqat sahəsində daha dərindən analizlər və araşdırmalar aparmağa imkan verəcək.
Tədqiqatçılar bu alət vasitəsilə mövzularını daha detallı şəkildə araşdıra, yeni ədəbiyyatla tanış ola, müvafiq nəşr jurnallarını və sahə üzrə ekspertləri müəyyənləşdirə biləcəklər.
UNEC Azərbaycanda ilk dəfə olaraq Research Assistant Suni İntellekt alətindən istifadə edəcək