UNEC ilə Çinin Longan Ticarət Palatası arasında əməkdaşlıq imkanları müzakirə olunub
10 İYUN 2025 | VIEWS:
UNEC rektoru professor Ədalət Muradov Çin Xalq Respublikasına səfəri çərçivəsində Longan Ticarət Palatasında (Longan Chamber of Commerce) olub.
Palatanın sədri Xuanhong Tianin rəhbərlik etdiyi nümayəndə heyəti ilə görüşdə tərəflər arasında məlumat mübadiləsi aparılıb. UNEC nümayəndələrinə Palatanın universitet və biznes əməkdaşlığı sahəsində gördüyü işlər, təhsilin təşkilində oynadığı rol barədə məlumat verilib.
Görüş zamanı birgə DBA təhsilinin təşkili, UNEC-in “Bir kəmər, bir yol” təşəbbüsünü dəstəkləyən ölkələrdə mütəxəssis hazırlığı ilə bağlı Palatanın imkanları barədə fikir mübadiləsi aparılıb.
Sonra UNEC nümayəndələri Xuanhong Tianin ən son texnoloğiyalarla təchiz olunmuş və Çinin ən böyük tikinti materialları istehsal edən zavodlarından birinin istehsal prosesi ilə tanış olub.