İctimai elmlər sahəsində dünyanın nüfuzlu ənənəvi elmi platforması olan XIII Beynəlxalq İnformasiya, İqtisadiyyat və İdarəetmə konfransı bu il Azərbaycanda keçiriləcək.
Mötəbər konfransa ev sahibliyini UNEC edəcək. XIII Beynəlxalq İnformasiya, İqtisadiyyat və İdarəetmə konfransının təşkilatçıları UNEC ilə yanaşı Türkiyə Cumhuriyyətinin İstanbul Sabahattin Zaim Universiteti, Bandırma On Yedi Eylül Universiteti, Elm İqtisadiyyat və Menecment Jurnalıdır.
Konfransın açılışı mayın 18-də UNEC-in əsas tədris binasında olacaq. Nüfuzlu konfransın Elm Komitəsinin seçdiyi 80-ə yaxın elmi işin məruzəsi isə 18-20 may tarixlərində UNEC-in IV tədris binasında (Abbas Səhhət, 45A) təşkil ediləcək.
XIII Beynəlxalq Elm, İqtisadiyyat və Menecment konfransında dünyanın müxtəlif universitetlərindən dəvət olunan rektor, professor və müəllim olmaqla 150-yə yaxın elm adamının iştirakı gözlənilir.
Konfrans barədə ətraflı məlumatı buradan əldə edə bilərsiniz: http://www.beykon.org/tr/Default.aspx