UNEC tələbələri beynəlxalq olimpiadada iştirak ediblər
Azərbaycan Dövlət İqtisad Universitetinin (UNEC) tələbələri beynəlxalq olimpiadada iştirak ediblər.
Ural Federal dairəsinin “Müəllim evi” muxtar qeyri-kommersiya təşkilatının keçirdiyi “Rus dili xarici dil kimi” beynəlxalq olimpiadasında UNEC-in 7 tələbəsi diploma layiq görülüb.
Kommersiya fakültəsinın tələbələri İlkin Mənsimli, Eldar Hüseynov, Leyla Abbasova I dərəcəli diplomla mükafatlandırılıblar. II dərəcəli diploma Kommersiya fakültəsinin tələbəsi Elçin Həsənov ilə Maliyyə və mühasibat fakültəsinın tələbəsi Eşqin Əliyev layiq görülüb. Kommersiya fakültəsindən Gülbala Orucəliyev, Texnologiya və dizayn fakültəsindən Anar Behbudov isə onlayn rejimində keçirilən Beynəlxalq Olimpiadanın III dərəcəli diplomları ilə təltif olunublar.
“Rus dili” kafedrasının baş müəllimi Suad Babayevaya olimpiadanın təşkilində və keçirilməsində tədris layihəsinə verdiyi dəstəyə görə “Müəllim evi”nin təşəkkür məktubu təqdim edilib.