UNEC ölkə təhsilinin vahid məlumat bazasını yaradacaq
UNEC-də Analitik İnformasiya Resursları Mərkəzi (AİRM) yaradılıb.
“Statistika və ekonometrika” kafedrası nəzdində yaradılan Analitik İnformasiya Resursları Mərkəzinin təqdimatında UNEC-in rektoru, professor Ədalət Muradov və universitetin professor-müəllim heyəti iştirak edib.
Rektor Ədalət Muradov bildirib ki, mərkəzin yaradılmasının əsas məqsədi Azərbaycan Respublikası Prezidenti İlham Əliyevin həyata keçirdiyi islahatlara dəstək olaraq, Azərbaycanda təhsil sahəsindəki yeniliklərlə bağlı vahid məlumat bazasını formalaşdırmaq və beynəlxalq təşkilatların və xarici şirkətlərin bu istiqamətdə tələbini ödəməkdən ibarətdir. Ə.Muradov ölkədə həyata keçirilən islahatlarda beynəlxalq təşkilatların və əcnəbilərin fəal iştirakını nəzərə alaraq, gələcəkdə məlumat bazasının yalnız təhsil sahəsində deyil, ölkə iqtisadiyyatı ilə bağlı da formalaşdırılacağını deyib. Mərkəzdə UNEC-in təcrübəli mütəxəssisləri ilə yanaşı, beynəlxalq ekspertlərin də fəaliyyət göstərəcəyini qeyd edib.
Sonra “Statistika və ekonometrika” kafedrasının müəllimi Esmira Əhmədova AİRM-ın əsas vəzifələri, fəaliyyət istiqamətləri, strukturu barədə təqdimatla çıxış edib.
Təqdimatdan sonra mərkəzin fəaliyyəti ilə bağlı təkliflər səsləndirilib.
<a href =”http://news.unec.edu.az/xeber/125-universitet/5485-unec-olke-tehsilinin-vahid-melumat-bazasini-yaradacag“></a>