Beynəlxalq İqtisadi Münasibətlər fakültəsinidə elmi seminar keçirilib
26.04.2016-ci il tarixində Beynəlxalq İqtisadi Münasibətlər fakültəsinidə elmi seminar keçirilib. Seminarda “Ticarət və gömrük işinin təşkili” kafedrasının dosenti Mübariz Məmmədli “Müasir şəraitdə Azərbaycanda biznesin inkişaf strategiyası” mövzusunda mühaizrə oxudu. Azərbaycan Respublikası Prezidentinin 2012-ci il 29 dekabr tarixli Fərmanı ilə təsdiq edilmiş “Azərbaycan 2020: Gələcəyə baxiş” inkişaf konsepsiyasının əhəmiyyətini vurğulayaraq, hazırkı şəraitdə dövlətimiz tərəfindən əlverişli biznes mühitinin yaradıldığını, sahibkarlıq fəaliyyətinın qayğı və himayə ilə əhatələndiyini qeyd etdi. Müasir şəraitdə innovativ sahibkarlığın inkişaf etdirilməsi və yeni fəaliyyət növlərinin və məhsullarının inkişafı üçün əlverişli mühit yaradılması ilə yanaşı, qabaqcıl texnologiyaların transferi və mənimsənilməsi istiqamətində tədbirlərin gücləndirilməsi, elmtutumlu məhsulların və texnologiyaların işlənilməsi və tətbiqi üçün texnoparklar və innovasiya zonaları yaradılmasının, bilik iqtisadiyyatının inkişafının strategi əhəmiyyət daşıdığını söylədi.
Professor Əlican Babayev innovasiyaların təşviqinin və tətbiqinin əhəmiyyəti barədə danışarq, seminar mövzusunun aktuallığına diqqəti yönəltdi. Dövlət və xüsusi biznes arasında əməkdaşlığın bir sıra ölkələrdə effektiv şəkildə tətbiq edildiyini söylədi.
Dosent Müzəffər Məmmədov məruzəçinin biznesin strategi inkişaf problemləri mövzusunda daim tədqiqt apardığını və buna görə də bu gün müasir şəraitdə biznesin inkişaf strategiyasını ətraflı və əhatəli şəkildə çatdıra bildiyin dedi.
Professor Arif Şəkərəliyev mövzunun aktual olduğunu, məruzəçi tərəfindən tam şəkildə araşdırıldığını və müasir çağırışlara uyğun olaraq məruzəçi tərəfindən problemin həlli istiqamətlərinin açıldığını söylədi.
Elmi şuranın sədri, dekan Mansur Bərxudarov prezident cənab İlham Əliyevin rəhbərliyi altında iqtisadi islahatların uğurla həyata keçirildiyi zamanda Azərbaycanda biznesin inkişaf strategiyası mövzusunun əhəmiyyəti barədə danışdı.
