azer-230x260i.e.n., dos. Əmiraslanov Azər Kamal oğlu

1971-ci il iyulun 19-da Bakı şəhərində anadan olmuşdur.

1978-1988-ci illərdə 158 saylı orta məktəbdə oxumuşdur.

1988-ci ildə Azərbaycan Dövlət İqtisad Universitetinə daxil olmuşdur.

1993-cü ildə ali məktəbi fərqlənmə diplomu ilə bitirərək Azərbaycan Milli Elmlər Akademiyasının İqtisadiyyat İnstitutuntn  aspiranturasına qəbul olmuşdur.

1993-cü ildə Gənc İqtisadçılar Birliyini təsis etmiş və onun fəaliyyətinə rəhbərlik etmişdir.

1996-cı ildə “Bazar münasibətləri şəraitində iqtisadiyyatın dövlət tənzimlənməsi problemləri” mövzusunda namizədlik dissertasiyasını uğurla müdafiə edərək, iqtisad elmləri namizədi alimlik dərəcəsi almışdır.

1993-1994-cü illərdə AR Mərkəzi Bankında və Səhmdar-Kommersiya Aqrar-Sənaye Bankında aparıcı iqtisadçı;
1994-1998-ci illərdə Milli Məclis Aparatının İqtisadi qanunvericilik şöbəsində böyük məsləhətçi;
1998-2000-ci illərdə Azərbaycan Respublikası Prezidentinin İcra Aparatının İqtisadi siyasət şöbəsində məsləhətçi vəzifələrində işləmişdir.

2000-ci ildə IREX proqramı xətti ilə Vaşinqtonda ABŞ-ın Kiçik Biznes üzrə Administrasiyasında “Dövlət, iqtisadiyyat və biznes” mövzusunda tədqiqat aparmış və ABŞ iqtisadiyyatının idarə edilməsi təcrübəsini öyrənmişdir.

 

 

2001-2003-cü illərdə İqtisadi Təhlil və Konsaltinq Mərkəzinin direktoru;
2003-2004-cü illərdə Almaniya Texniki Əməkdaşlıq Agentliiyində (GTZ) makroiqtisadi məsələlər üzrə baş iqtisadçı;
2004-2005-ci illərdə “Ata Holdinq” Şirkətlər Qrupunda İdarə heyətinin üzvü, Strategiya və Biznesin İnkişafı Departamentinin direktoru vəzifələrində çalışmışdır.

2005-ci ildə 98 saylı Şəmkir şəhər seçki dairəsindən Üçüncü Çağırış Azərbaycan Respublikası Milli Məclisinin deputatı seçilmiş, parlamentin İqtisadi siyasət komissiyasının sədr müavini olmuşdur.

2007-2008-ci illərdə AR Dövlət Neft Fondunun Müşahidə Şurasının üzvü kimi fəaliyyət göstərmişdir.

2007-ci ildən İqtisadi İslahatlar Fondunun prezidentidir.

Azərbaycan Respublikası Prezidentinin 2008-ci il 25 avqust, 3009 nömrəli sərəncamı ilə AR Prezidenti Administrasiyasının Aqrar siyasət məsələləri şöbəsinin müdiri vəzifəsinə təyin edilmişdir. Bununla əlaqədar olaraq, Mərkəzi Seçki Komissiyasının qərarı ilə  deputat səlahiyyətlərinə xitam verilmişdir.

1-ci dərəcəli dövlət müşaviridir.

2001-2002-ci illərdə Qərb Universitetində və Azərbaycan Dillər Universitetində “Dünya iqtisadiyyatı” fənnini ingilis dilində tədris etmişdir.
2008-ci ildən ADİU-nun müəllimidir. “İqtisadiyyatın tənzimlənməsi” kafedrasının dosentidir.

6 kitabın və 30 elmi məqalənin müəllifidir. Yerli və xarici mətbuatda 300-ə yaxın analitik iqtisadi məqaləsi dərc edilmişdir. Bir sıra iqtisadi proqram və konsepsiyaların, qanun layihələrinin hazırlanmasında yaxından iştirak etmişdir.

Ailəlidir, iki övladı var.