Magistrlərin elmi-pedaqoji təcrübəsi başlayıb
Azərbaycan Dövlət İqtisad Universitetinin (UNEC) II kurs magistrlərin elmi-pedaqoji təcrübələri başlayıb.
Təcrübə zamanı magistrlərə tədris prosesinə psixoloji hazırlıq, tədris-təlim prosesinin təşkili üzrə müvafiq normativ sənədlər üzrə biliklərin verilməsi, tədris olunan fənnlər üzrə ümumi biliklərin nümayiş etdirilməsi mövzularında təlim keçirilir.
Maliyyə və maliyyə institutları kafedrasının magistrlərinə UNEC-də müvəffəqiyyətlə tətbiq olunan “EDUMAN” sisteminin istifadə prinsiplərini öyrədilib. Sistemin üstünlükləri, eləcədə onun tədris prosesində tətbiqi haqqında geniş məlumat verilib. Magistrlərə “Müəllim kabineti”ndən istifadə qaydaları da real vaxt rejimində nümayiş etdirilib.
Fevralın 16-da başlayan elmi-pedaqoji təcrübə mart ayının 15-nədək davam edəcək.