t.f.d., dos. Hüseynov Mövlud Ərəstun
e-mail: [email protected]
06.01.1988-ci ildə anadan olub.
2005-ci ildə orta məktəbi, 2009-cu ildə Azərbaycan Dövlət İqtisad Universitetinin Əmtəəşünaslıq fakültəsini İstehlak mallarının keyfiyyət ekspertizası ixtisası üzrə fərqlənmə diplomu ilə bitirib.
2009-2010-cu illərdə Ordu sıralarında hərbi xidmətdə olub və döyüş hazırlığında əldə etdiyi nailiyyətlərə görə Hərbi Hissə komandiri tərəfindən Fəxri Fərmanla təltif olunub.
2012-ci ildə Azərbaycan Dövlət İqtisad Universitetində İstehlak mallarının keyfiyyət ekspertizası ixtisası üzrə magistratura pilləsini fərqlənmə diplomu ilə bitirib.
2012-2015-ci illərdə Azərbaycan Dövlət İqtisad Universitetində dövlət sifarişi əsasında əyani doktorant olub. Dissertasiya işini Azərbaycan Dövlət Aqrar Universiteti nəzdindəki dissertasiya şurasında müvəffəqiyyətlə müdafiə etmiş və Azərbaycan Respublikasının Prezidenti yanında Ali Attestasiya Komissiyasının 26 iyul 2017-ci il tarixli qərarı ilə texnika üzrə fəlsəfə doktoru elmi dərəcəsi almışdır. 07 oktyabr 2019-cu ildə Dosent elmi adına layiq görülmüşdür. Kənd Təsərrüfatı Nazirliyi Aqrar Elm və İnnovasiya Mərkəzinin 2020-ci il 11 mart tarixli əmri ilə Üzümçülük və Şərabçılıq Elmi-Tədqiqat İnstitutunda dövlət sifarişi əsasında elmlər doktoru proqramı üzrə 3103.07 – “Bitkiçilik” ixtisasında dissertanturaya qəbul edilmişdir. Hazırda “Azərbaycanın yerli və introduksiya olunmuş üzüm sortlarının ekoloji-coğrafi zonallıq xüsusiyyətlərinin tədqiqi” mövzusunda doktorluq dissertasiyası üzərində işləyir.
2018-ci ildən Azərbaycan Dövlət İqtisad Universitetində çalışır.
Hazırda Azərbaycan Dövlət İqtisad Universitetinin “Mühəndislik və tətbiqi elmlər” kafedrasının dosentidir.
2020-ci ildən UNEC-in “Mühəndislik və tətbiqi elmlər” kafedrasının Ekologiya mühəndisliyi ixtisasının rəhbəridir.
2021-ci ildə Bakı Dövlət Universitetinin Molekulyar biologiya və biotexnologiyalar kafedrasının saat hesabı dosenti vəzifəsində çalışmışdır.
149 elmi əsərin, o cümlədən xarici ölkələrin nüfuzlu elmi jurnallarında dərc edilmiş 35 məqalənin, 55-dən çox beynəlxalq və respublika səviyyəli konfrans materiallarının, 1 dərslik, 7 fənn proqramı, 1 texniki şərt, 6 patent, 10 kollektiv monoqrafiya, 3 kitabçanın müəllifidir.
Ailəlidir, iki övladı var.
Akademik profillərə keçid:
https://scholar.google.com/citations?user=V457qrEAAAAJ&hl=en
https://www.researchgate.net/profile/Moevlud-Hueseynov
https://orcid.org/0000-0002-8774-3661
https://www.webofscience.com/wos/author/record/3857281
Tədqiqat sahələri:
Hidrologiya, Ekologiya, Torpaq Çirklənməsi və Nəzarəti, Biotexnologiya, Bitkiçilik, Üzümçülük və Şərabçılıq.
*
*
