Hörmətli tələbələr!
UNEC rektorunun 01 oktyabr 2015-ci il tarixli 75/1/2015 saylı “2015/2016-cı tədris ilinin payız semestrinin kollokviumlarının mütəşəkkil qaydada təşkili haqqında” əmrinin 1-ci bəndinə əsasən 2015/16-cı tədris ilinin P-1 semestrində əyani şöbə I-IV kurs, SABAH Mərkəzi, Beynəlxlaq İqtisadiyyat Məktəbi, Magistratura Mərkəzi, MBA departamenti tələbələrinin imtahana qədərki ballarının hesablanma qaydası aşağıdakı kimi müəyyənləşdirilmişdir:
– dərsə dəvamiyyət – 10 bal;
– sərbəst iş – 10 bal;
– I kollokvium – 10 bal;
– II kollokvium – 10 bal;
– III kollokvium – 10 bal (kollokviumun qiyməti semestr ərzində seminar məşğələlərində toplanan balların orta qiyməti alınaraq hesablansın);
Qeyd:
a. Fənn üzrə kurs işi nəzərdə tutulduqda; davamiyyət -10 bal, sərbəst iş -10 bal, kurs işi -10 bal,1,2,3 kollokvium-20 bal. 20 balın 70%i 1 və 2-ci kollokvium üçün, 30%-i isə 3-cü kollokvium üçün.
b. Laboratoriya nəzərdə tutulduqda; davamiyyət -10 bal, sərbəst iş -10 bal, laboratoriya -10 bal, 1,2,3 kollokvium -20 bal. 20 balın 70%i 1 və 2-ci kollokvium, 30%-i isə 3-cü kollokvium üçün hesablanır.
Əmrin 2-ci bəndinə əsasən 2015/2016-cı tədris ilinin payız semestrində SABAH qruplarında, Beynəlxalq İqtisadiyyat Məktəbində, Magistratura mərkəzinin və MBA departamentinin I və II kurslarında tədris olunan fənlər üzrə kollokviumların keçirilməsi yazılı qaydada, əyani şöbə I-IV kurslarda və qiyabi şöbə I kurslarda test üsulu ilə təşkil ediləcəkdir.
Əyani şöbə I-IV kurslarda və qiyabi şöbə I kurslarda test üsulu ilə kollokviumların təşkilində nəzərə alınacaq qaydalar.
1. Kollokviumların təşkil ediləcəyi sual sayı – 5 həftə ərzində keçirilmiş tədris materialını əhatə edən cəmi – 100 sual;
2. Hər fənn üzrə təqdim olunacaq sual sayı- 6 fənnin hər birisi üzrə 10 sual;
3. Kollokvium üçün ayrılan zaman – hər fənn üzrə 15 dəqiqə (Xətti cəbr və riyazi analiz, Ekonometrika-30 dəqiqə) ümumilikdə 90 dəqiqə;
4. Kollokvium nəticəsinin qiymətləndirilməsi meyarı- hər doğru sual 1 bal.
Yazılı kollokviumların keçirilməsində metodik vahidliyi təmin etmək məqsədi ilə SABAH qrupları, Beynəlxalq İqtisadiyyat Məktəbi, Magistratura mərkəzi və MBA departamentinin I və II kursları üzrə kollokviumların təşkili və keçirilməsi zamanı aşağıdakı qaydalara əsas götürüləcəkdir.
1. Kollokviumların təşkil ediləcəyi sual sayı – 5 həftə ərzində keçirilmiş tədris materialını əhatə edən cəmi-25 sual;
2. Kollokvium zamanı cavablandırılmalı olan sual sayı – 2 sual;
3. Kollokvium nəticəsinin qiymətləndirilməsi meyarı- hər sual 5 bal.
Xatırlatmaq istəyirik ki test üsulu ilə təşkil olunacaq kollokviumlar yeni proqram təminatı (EDUMAN) vasitəsi ilə təşkil olunacaqdır. Bu məqsədlə fakultə tyutorlarından istifadəçi adınızı vəşifərnizi aldıqdan sonra şəxsi kabinetinizə daxil olub hər fənn üzrə imtahan şifrənizi çap edib kollokviuma gəlməniz vacibdir. Ayrıca daha sonra intensiv şəkildə əlaqə saxlamaq məqsədi ilə kollokviuma başlamadan öncə hər bir tələbənin aktiv şəkildə istifadə etdiyi e-mail adresi tələb olunur.
Kollokviumlarda hər birinizə uğurlar arzulayırıq!