İstanbul Universitetində Azərbaycan guşəsi
Azərbaycan Dövlət İqtisad Universitetinin (UNEC) tələbələri İstanbul Universitetində təşkil olunan “İnternational day” sərgisində Azərbaycanı təmsil ediblər.
Mevlana Mübadilə Proqramı vasitəsilə İstanbul Universitetində təhsil alan Aygün Yadigarlı ilə Aysel Bəndəliyeva sərgiyə qatılan professor-müəllim və tələbə heyətinə Azərbaycanın tarixi, mədəniyyəti, təbii sərvətləri və milli-mədəni dəyərləri haqqında ətraflı məlumat veriblər.Azərbaycan haqqında hazırlanan videoçarxı nümayiş etdirib, milli musiqi alətlərimizi və milli mətbəximizin nümunələrini sərgiləyiblər.
Tədbirdə həmçinin İstanbul Universitetində təhsil alan ABŞ, İtaliya, İspaniya, Fransa, İngiltərə, Almaniya, Rumıniya, Albaniya, Niderland,Cənubi Koreya, Meksika, Braziliya kimi dövlətlərdən gələn tələbələr iştirak edib.