UNEC Milli İnsan Resursları Forumunda təmsil olunub
Azərbaycan Dövlət İqtisad Universitetinin (UNEC) Tədrisin keyfiyyətinin qiymətləndirilməsi və idarə edilməsi mərkəzinin direktoru, iqtisadiyyat üzrə fəlsəfə doktoru Raqif Qasimov I Milli İnsan Resursları Forumunda (MİRF 2015) iştirak edib.
R.Qasımov 120 şirkətdən 250-yə yaxın biznes nümayəndəsinin qatıldığı foruma dəvət olunan 14 spikerden biri olaraq insan resurslarının idarə edilməsində iş analizi mövzusunda çıxış edib. Bununla yanaşı, forumda mətbuat və jurnalistikada insan resursları, yeni işçilərin iş mühitinə adaptasiyasının sürətləndirilməsi və asanlaşdırılması, əməyin təşkili üzrə G5 modeli – stragediyadan iş addımlarına, işəqəbulda obyektivlik və e-recruitmentin rolu mövzuları müzakirə edilib.
Formun məqsədi İnsan Resurslarının İdarəedilməsi sahəsində müvafiq təcrübənin paylaşılması, peşəkar biliklərin müzakirəsidir. Forumda İnsan Resurslarının İdarəedilməsi ilə əlaqədar mövzularla bərabər universitetlərdən iş dünyasının tələbləri, tələbələrin istehsalat təcrübələrinin effektivliyinin artırılması, yeni biznes mühitinin tələb etdiyi kvalifikasiyaların sosialist sistemdə yaşayan insanlara qazandırılması istiqamətində təhsil qurumlarının rolu kimi mövzular da muzakirə olunub.
Sonda forumun həmtəsisçisi Murad Məlikov tədbirin hər il keçirilməsinin, bu cür tədbirlərlə biraraya gəlməyin əhəmiyyətini vurğulayıb.