i.e.n., dos. Fərzəliyev Yusif
1958-ci il dekabr ayının 19 – da Beyləqan (keçmiş Jdanov) rayonunun “Şəfəq” qəsəbəsində ziyalı ailəsində doğulmuşdur.
1976-cı ildə Jdanov şəhər 1 saylı tam orta məktəbini fərqlənmə ilə bitirmişdir. 1977-ci ildə SSRİ-də Təyyarəçi-Kosmonavt hazırlayan – Xarkov Ali Hərbi Aviasiya Qırıcı-Təyyarəçiləri Məktəbinə daxil olmuşdur. 1980-cı ildə səhhətilə bağlı Akademik Arayışla SSRİ Ali və Orta İxtisas Təhsili Nazirliyinin əmri ilə imtahansız S.M. Kirov adına Azərbaycan Dövlət Universitetinin (indiki BDU) Tətbiqi Riyaziyyat fakültəsinə qəbul olunmuşdur.
1985-ci ildə Universiteti fərqlənmə ilə bitirmiş və Tələbnamə vasitəsilə İ.Q. Yesman adına Elmi-Tədqiqat Energetika İnstitunun (hazırda Azərbaycan Elmi-Tədqiqat və Layihə-Axtarış Energetika İnstitutunun, (AzET və LAEİ) Etibarlılıq laboratoriyasına mühəndis vəzifəsinə qəbul edilmişdir. Həmin institutda böyük mühəndis, aparıcı mühəndis, kiçik elmi işçi, elmi işçi və böyük elmi işçi vəzifələrinə çalışmışdır.
2008-ci ildə “Enerjisistemin avadanlıqlarının fərdi etibarlılıqlarının göstəricilərinin dəqiq və dürüst hesablanması” mövzusunda dissertasiya işini müdafiə edib elmlər namizədi elmi dərəcəsini almışdır. 01.02.2013-cü ildə AzET və LAEİ -nin Texniki şöbəsinin “İnformasiya texnologiyaları və İnnovasiya” bölməsinə rəis vəzifəsinə təyin olunmuşdur.
2016-cı ildə Azərbaycan Respublikası yanında Ali Attestasiya Komissiyasının qərarı ilə dosent elmi adına layiq görülmüşdür. 2010-cu ildən AzET və LAEİ-nun Tədris Mərkəzində “Azərenerji” ASC -nin operator və mühəndis heyətinə kompüter elmləri istiqamətində mühazirələr oxumuşdur. 2015-2018-ci illərdə BDU-da əvəzçiliklə dosent vəzifəsində kompüter elmləri və kompüter mühəndisliyi istiqamətlərində dərs yükü aparmışdır. Azərbaycan Respublikasında Verilənlər Bazasının İdarəedilməsi Sistemi -PARADOX- platformasında 4 Böyük İnformasiya Sisteminin ilk yaradıcısı kimi tanınmışdır.
2018-ci ildən Azərbaycan Dövlət İqtisad Universitetində (UNEC), yarım ştat əvəzçiliklə dosent vəzifəsində çalışır. 2024-cü il fevral ayının 23-də Azərbaycan Texniki Universitetinin nəzdində fəaliyyət göstərən ED 2.04 Dissertasiya Şurasında “Enerjisistemin enerji avadanlıqlarının istismar etibarlılığının avtomatlaşdırılmış idarəedilməsi” mövzusunda texnika üzrə elmlər doktoru elmi dərəcəsi almaq üçün təqdim olunmuş dissertasiya işini müvəffəqiyyətlə müdafiə etmişdir.
100-dək müəllifi və həmmüəllifi olduğu elmi məqalələri var. O cümlədən Web Of Science Core CollectionT – 3(1 məqalə, 2 konfrans materialları), SCOPUS platformasında – 8 və ZentralBlattda -1 məqaləsi çap edilmişdir. 2014-cü ildən H indeksi 6, 2019-cu ildən 4-dür.
Ailəlidir 2 övladı var.