UNEC Xanım Tədqiqatçılar Şurası ABŞ-da Beynəlxalq Forum təşkil edəcək
Dekabrın 10-da UNEC Xanım Tədqiqatçılar Şurası və ABŞ-ın Miçiqan Universitetinin Qadın və Gender Tədqiqatları İnstitutunun təşkilatçılığı ilə UNEC Xanım Tədqiqatçılar Şurasının İllik Beynəlxalq Forumu 2024 (WRC Annual International Forum 2024) keçiriləcək.
Forumun əsas məqsədi dünyanın tanınmış alimlərini, ideya liderlərini və gender bərabərliyinin müdafiəçilərini bir araya gətirərək, akademiya, biznes və cəmiyyət sahələrində qadınların bərabərliyinin təmin olunmasına dəstək göstərmək, həmçinin onların nailiyyətlərini təşviq etmək məqsədilə innovativ yanaşmaların və strategiyaların müzakirə edilməsidir. Beynəlxalq forumda 40-dan çox ölkədən qadın tədqiqatçılar iştirak edəcəklər.
Açılış mərasimində Miçiqan Universitetinin Qadın və Gender Tədqiqatları İnstitutunun direktoru, qadın və gender tədqiqatları üzrə professor Melinda Price “Akademiyada Qadınların Gücləndirilməsi və Çağırışlar” adlı mövzu ilə çıxış edəcək.
Forumda Xanım Tədqiqatçılar Şurasının (WRC) tədqiqatçıları, Latviya Universitetinin professoru Ramona Rupeika-Apoga, Obuda Universitetinin professoru Monika Garai Fodor, Chitkara Universitetinin professoru Kiran Sood tərəfindən panel müzakirələri və interaktiv sual-cavab sessiyaları təşkil olunacaq.
Forum ingilis dilində, onlayn formatda ZOOM platforması üzərindən keçiriləcək.
Vaxt: saat 15:00 CET (Avropa vaxtı), saat 18:00 (Bakı vaxtı)
Meeting ID: 998 0915 5941
Passcode: 081820