UNEC-də Əl işləri sərgisi keçiriləcək
29 APREL 2025
UNEC İnklüziv Təhsil Mərkəzinin, UNEC Dizayn Məktəbinin və “Foto-Xalça” şirkətinin birgə təşkilatçılığı ilə 6 may 2025-ci il tarixində Ümummilli Lider Heydər Əliyevin anadan olmasının 102-ci ildönümünə həsr olunmuş Əl işləri sərgisi keçiriləcəkdir.
Sərginin məqsədi Ulu Öndər Heydər Əliyevin əziz xatirəsini yad etmək və müxtəlif sənət sahələrinə aid əl işlərini nümayiş etdirməkdir.
Tədbirdə rəsmi qonaqların, ictimai təşkilatların nümayəndələrinin və digər qonaqların iştirakı nəzərdə tutulur. UNEC Dizayn Məktəbi, “Foto Xalça” və “Bacarıqlı Əllər Dünyası” İctimai Birliyi tərəfindən hazırlanmış sənət nümunələri sərgilənəcəkdir.
Ünvan: UNEC II Tədris Binası, Həsən Əliyev küçəsi 135A
Vaxt: 6 may 2025-ci il, saat 11:00–14:00
Bütün maraqlananlar sərgiyə dəvətlidir!