ADİU-da dünya neft bazarına dair dəyirmi masa keçirilib
Aprelin 16-da Azərbaycan Dövlət İqtisad Universitetində Ümummilli Lider Heydər Əliyevin anadan olmasının 92-ci ildönümünə həsr olunan “Azərbaycan iqtisadiyyatı dünya neft bazarı kontekstində” mövzusunda dəyirmi masa təşkil olunub.
Beynəlxalq İqtisadi Münasibətlər fakültəsi tərəfindən təşkil olunan tədbirdə dünya neft bazarıında “qara qızıl” qiymətinin dəyişkənliyi, region iqtisadiyyatına və geosiyasi proseslərə təsiri barədə fikir mübadilə aparılıb. Çıxışlar zamanı bildirilib ki, əsası Ümumilli Lider Heydər Əliyev tərəfindən qoyulan və Prezident İlham Əliyev tərəfindənuğurla davam etdirilənsiyasət nəticəsində Azərbaycan iqtisadiyyatının şaxələnməsi sahəsində mühüm nailiyyətlər əldə edilib.
İqtisadçı Vüqar Bayramov, fakültə dekanı Mənsur Bərxudarov, tələbə və müəllimlərin iştirak etdiyi interaktiv diskusiyada neftin dünya bazarındakı qiymət dəyişkənliyin Azərbaycanda strateji yanaşmalara təsiri müzakirə olunub. İştirakçılara bildirilib ki, neftin qiymətinin dünya bazarında qeyri-stabillik nümayiş etdirməsinə baxmayaraq, ölkə iqtisadiyyatının inkişafı uğurla davam etdirilir.
Qeyd olunub ki, ÜDM daxil olmaqla, bütün makroiqtisadi göstəricilərdə inkişaf tempi qorunub saxlanacaq, iqtisadi diversifikasiya sürətlənəcəkdir. Dövlət başçısının müəyyənləşdirdiyi prioritet istiqamətlərə uyğun olaraq iqtisadi diversifikasiyanın vacibliyi vurğulanıb.