ADİU-da “İnnovasiyalar, yeni texnologiyalar və vençur investisiyalar” mövzusunda dəyirmi masa keçirilib
Azərbaycan Dövlət İqtisad Universitetində (ADİU)Texnologiya Transfer Mərkəzi ilə Böyük Britaniyanın TransTech CapitalVençur kapitalı İnvestisiya və Məşvərət Firmasının iştirakı ilə“İnnovasiyalar, yeni texnologiyalar və vençur investisiyalar” mövzusunda dəyirmi masa keçirilib.
ADİU-nun Texnologiya Transfer Mərkəzinin direktoru Aydın Hüseynov mərkəzin yaradılması məqsədlərindən, onun fəaliyyət planlarından və gələcəkdəTransTech Capital şirkəti ilə əməkdaşlıqperspektivləri haqqındaməlumat verib. Universitetin Beynəlxalq Əlaqələr departamentinin müdiriMüslüm İbrahimov ADİU-nun xarici əlaqələrindən, tədrisdə və elmdə yeni innovasiyalara dəstək laboratoriyasının yaradılmasından danışıb.
Tədbirdə həmçinin Azərbaycan Milli Elmlər Akademiyası Radiasiya Problemləri İnstitutunun elmi işçisi Dəmirəl Qara, Azərbaycan Texniki Universitetinin patent şöbəsinin müdiri Elxan Yusifzadə və ixtiraçı professor Əli Nəcəfov da iştirak edib.
İştirakçılar hər biri öz ixtiraları barədə ətraflı məlumat verib, təqdimatla çıxış ediblər.