ADİU-da Ulu Öndərin anadan olmasının 92-ci ildönümünə həsr olunan elmi konfranslar keçirilib
Azərbaycan Dövlət İqtisad Universitetində Ulu Öndərin anadan olmasının 92-ci ildönümünə həsr olunan silsilə tədbirlər təşkil olunub.
Aprelin 23-də ADİU Tələbə Elmi Cəmiyyətinin təşkilatçılığı ilə “Heydər Əliyev və gənclərin milli-mənəvi dəyərləri” mövzusunda elmi konfrans keçirilib. Ulu Öndərin anadan olmasının 92-ci ildönümünə həsr olunan konfransda Tələbələrlə iş üzrə prorektor S.Qəndilova, Maliyyə fakültəsinin dekanı Z.İbrahimov, Doktorantura şöbəsinin müdiri H.Həmidov iştirak edib. İştirakçılar tələbələrə elmi fəaliyyətlərində uğurlar arzulayıb.
Konfransda 30-a yaxın tələbə elmi məruzələrlə çıxış edib.
***
Həmin gün Ulu Öndər Heydər Əliyevin anadan olmasının 92-ci ildönümünə və ADİU-nun 85 illiyinə həsr olunan daha bir tələbə elmi-konfransı “İqtisadi nəzəriyyə-2” kafedrası Tələbə Elmi Cəmiyyətinin təşkilatçılığı ilə təşkil olunub.
Konfransı giriş sözü açan “İqtisadi nəzəriyyə-2” kafedrasının müdiri, professor Ümidvar Əliyev Ulu Öndər Heydər Əliyevin Azərbaycan iqtisadiyyatındakı yeri və rolu haqqında iştirakçılara geniş məlumat verib. Sonra tələbələrin məruzələri dinlənilib.
Konfransın sonunda tələbələrə fəxri fərmanlar və sertifikatlar təqdim olunub.