ADİU-nun Rus dili kafedrasında Xocalı Soyqırımı ilə bağlı anım dərsi keçirilib
Fevralın 25-də Azərbaycan Dövlər İqtisad Universitetinin (ADİU) Rus dili kafedrasında Uçot-iqtisad fakültəsinin tələbələrinə Xocalı soyqırımına həsr olunan anım dərs keçirilib.
Öncə faciə qurbanlarının xatirəsi bir dəqiqəlik sükutla yad edilib. Sonra kafedranın müəllimi İsmayılova Könül tələbələrə Xocalı soyqırımı ilə bağlı məlumat verib. O, Xocalıda həyata keçirilən qətliamın bəşəriyyətə və insanlığa qarşı törədilən ən dəhşətli cinayət olduğunu bildirib. Beynəlxalq ictimaiyyətin bu soyqırıma siyasi-hüquqi qiymət verməsinin vacibliyini vurğulayıb.
Sonra tələbələr soyqırımla bağlı öz fikirlərini söyləyiblər. Anım dərsi tələbələrin ifasında şeirlər, şəhid Elşən Abbasquliyevə həsr olunan musiqi parçası ilə davam edib.
Sonda Xocalı soyqırımına həsr olunan videofilm nümayiş olunub.