İyulun 8-də Azərbaycan Dövlət İqtisad Universitetində (UNEC) tyutor hazırlığı təlimlərinə start veriləcək.
UNEC-in təcrübəli və bilikli təlimçilərinin həyata keçirəcəyi kurslara universitetin 23 magistrı qatılacaq. Onlar bir ay ərzində Boloniya prosesi, respublikamızda təhsilin inkişafı üzrə dövlət strategiyası, tədris prosesinin təşkili, onun mexanizmi, semestrlərinin təşkili, tələbə və müəllimlərin mobilliyi, tələbələrin hüquq və vəzifələri haqqında ətraflı məlumat və biliklər əldə edəcəklər. Təlim ən müasir, interaktiv üsullarla aparılacaq, üstünlük təşkil edən praktiki dərslərin sayəsində gələcək tyutorların peşəkar bilik və səriştəsinin artırılmasına zəmin yaradacaq.
Təlimi fərqlənmə ilə bitirən magistrlar UNEC–in Tyutor xidmətində işə qəbul ediləcəklər.