UNEC-də “Azercell Tələbə Proqramı”nın təqdimatı keçiriləcək
Azercell şirkəti Tələbə Proqramı 2015-ə start verib.
“Azercell Telekom” MMC Azərbaycanda təhsil alan tələbələrə aylıq təqaüd almaq imkanını təqdim edir. Tələbə Proqramı 2015 üzrə qalib gələn tələbələr ali təhsillərinin sonunadək 200 AZN məbləğində aylıq təqaüd almaqla yanaşı, telekommunikasiya sahəsi haqda biliklərini artırmaq, şirkətin korporativ tədbirlərinə və sosial fəaliyyətlərinə dəvət almaq, müxtəlif təlimlərdə iştirak etmək və şirkətdə təcrübə keçmək şansını əldə edəcəklər.
Azercell Tələbə Proqramının məqsədi:
• Müvəffəqiyyətlə təhsil alan və akademik fərq yaradan tələbələrə xüsusi qayğı göstərmək,
• Yüksək potensiallı tələbələrin gələcəkdə peşəkar kimi formalaşmasına dəstək olmaq,
• Korporativ sosial məsuliyyətli fəaliyyətlərimiz çərçivəsində cəmiyyətimizə töhfə vermək.
Kimlər müraciət edə bilər?
• Ali təhsil ocaqlarının bakalavr pilləsinin son iki kursunda təhsil alan və yaxşı qiymətləri olan tələbələr;
• Yalnız Azərbaycan Respublikasının ali məktəblərinin tələbələri
• Yalnız Azərbaycan Respublikasının vətəndaşları
Proqrama müraciətlərin son qəbul tarixi – 25 Oktyabr 2015-ci il.
Sual və əlavə məlumat üçün [email protected] e-mail ünvanına və (012) 4967007 telefon nömrəsinə müraciət edə bilərsiniz.
Proqram haqqında daha ətraflı məlumat 21 OKTYABR, SAAT 11:00-da, Azərbaycan Dövlət İqtisad Universitetinin 1 saylı tədris binasının 305-ci auditoriyasında keçiriləcək.
TƏQDİMATDA iştirak yalnız QEYDİYYAT əsasında mümkündür: http://goo.gl/forms/cVK2O9CxqI
