Bayramova Ülkər Vəli qızı
Ülkər Bayramova Vəli qızı 1988-ci ildə Bakı şəhərində anadan olub. 2005-2009-cu illərdə Azərbaycan Dövlət Mədəniyyət və İncəsənət Universitetinin rəssamlıq fakültəsinin modelyer-rəssam ixtisasını bitirib. 2013-2015-ci illərdə Azərbaycan Dövlət Mədəniyyət və İncəsənət Universitetinin rəssamlıq fakültəsinin dizayn tarixi və nəzəriyyəsi ixtisasının magistr dərəcəsini bitirib. Daha sonra Bakı Xoreoqrafiya Akademiyasında Sənətşunaslıq fəlsəfə doktoru dərəcəsi almaq üçün doktoranturanı bitirib. Hal-hazırda Azərbaycan Respublikasının Prezidenti yanında İdarəçilik Akademiyasının inzibati idarəetmə fakültəsinin menecmentlik ixtisasında təhsil alır.
Ülkər Bayramova daha öncə özəl və dövlət müəssisələrində müxtəlif rəhbər vəzifələrdə çalışmışdır. Eyni zamanda 2009-cu ildən bu günədək Azərbaycan Dövlət İqtisad Universitetinin (UNEC) Dizayn kafedrasında pedaqoji fəaliyyətlə məşğuldur.
Elmi və ictimai fəaliyyətlə də məşğul olan Ülkər Bayramovanın incəsənət sahəsində bir sıra tədqiqatları var. Ölkəmizdə və xaricdə dərc olunan milli geyim, dizayn tarixi, incəsənətin müxtəlif sahələri ilə bağlı bir sıra məqalələrin tezislərin müəllifidir. Rəssamlar ittifaqının üzvüdür.
Ailəlidir 1 övladı var.
****