EKONOFİZİKA TƏDQİQAT MƏRKƏZİ
UNEC ELMİ-TƏDQİQAT MƏRKƏZLƏRİ
Mərkəzin rəhbəri: f-r.e.d., prof. Şahlar ƏsgərovÜnvan: UNEC-in I tədris korpusu |
HAQQIMIZDA:
Ekonofizika Tədqiqat Mərkəzi Azərbaycan Dövlət İqtisad Universitetinin (UNEC) Elmi Şurasının 28 fevral 2019-cu il tarixli iclasının 164 №-li Qərarı və UNEC rektorunun 14 mart 2019-cu il tarixli 152/3/2019 №-li əmrinə əsasən yaranmışdır.
UNEC rektorunun 13 may 2019-cu il tarixli 315/3/2019 №-li əmrinə əsasən mərkəzə ictimai əsaslarla rəhbərlik professor, Əməkdar Elm Xadimi Əsgərov Şahlar Qaçay oğluna həvalə edilmişdir.
MƏQSƏDİMİZ:
Ekonofizika Tədqiqat Mərkəzi iqtisadi və social-iqtisadi tədqiqatların aparılmasını və elmi tədqiqat işlərində empirik metodlardan istifadə olunmasını təşviq edəcək, professor-müəllim heyətinə və tələbələrə keyfiyyətli elmi tədqiqatların aparılması və beynəlxalq bazalara çıxış imkanları ilə bağlı dəstək olacaq, yerli və beynəlxalq əməkdaşlıq çərçivəsində elmi-tədqiqat layihələrini həyata keçirir.
VƏZİFƏLƏRİMİZ:
– Elmi tədqiqat işləri və layihələri həyata keçirmək;
– Beynəlxalq və milli konfranslar, simpoziumlar, seminarlar, dəyirmi masalar, təlimlər təşkil etmək;
– Müxtəlif dillərdə nəşrlər hazırlayıb çap etdirmək;
– Hesabatlar, kitabçalar, tədqiqat sənədləri, məqalələr, bülletenlər, kitablar və s. hazırlamaq;
– Ölkə daxilində və xaricdə yerləşən tədqiqat mərkəzləri, institutlar, universitetlər və özəl sektor təmsilçiləri ilə əməkdaşlıq etmək;
– Fəaliyyət istiqamətləri üzrə daxil olan müraciətlərə və sorğulara qanunvericiliyə uyğun olaraq baxılmasını təmin etmək;
-Səlahiyyətləri çərçivəsində universitetin inkişaf konsepsiyasının həyata keçirilməsini təmin etmək;
-Mərkəzin iş planını və fəaliyyəti ilə bağlı hesabatlar hazırlamaq;
-Mərkəz tərəfindən fəaliyyət prosesində qanunvericiliyə uyğun olaraq xidməti məlumatların qorunmasını təmin etmək;
ÜZVLƏR:
– f.r.e.d. prof. Allahverdiyev Biləndər Paşa – Xəzər Universitetinin “Riyaziyyat” kafedrasının professoru
– prof. Mahmudov Nazim İdris – Doğu Akdeniz Universitetinin Riyaziyyat fakültəsinin professoru
– prof. Hüseyin Tuna – TC Mehmet Akif Ersoy Universitetinin professoru (Burdur/Türkiyə)
TƏDBİRLƏR:
Nobel mükafatçılarının elmi fəaliyyətlərinə həsr olunmuş içtimai müzakirələr keçirilib (17.03.2022)
UNEC-də seminar: “Kosmos iqtisadiyyatının aktual problemləri” (11.03.2022)
Şahlar Əsgərov-80 (15.06.2021)
Videoçarx: https://yadi.sk/d/7Zoj3SP8q2sosA