ƏƏSMN-dən Radio UNEC-ə birgə layihə təklifi
Təhsil nazirinin müavini Firudin Qurbanov, gənclər və idman nazirinin müavini İntiqam Babayev, Əmək və Əhalinin Sosial Müdafiəsi Nazirliyi Yanında Dövlət Məşğulluq Xidmətinin rəisi Anar Bədəlbəyli Radio UNEC-in qonağı olublar.
Qonaqlar UNEC-də həyata keçirilən müsbət dəyişiklikləri, xüsusən universitetin beynəlxalq əlaqələr sahəsində attığı addımları, müşahidə edilən tələbə aktivliyini yüksək dəyərləndiriblər. Dövlət rəsmilərihər üç nazirliklə UNEC arasında əməkdaşlıq çərçivəsində həyata keçirilən layihələrin əhəmiyyətindən danışıblar və konkret təkliflərini çatdırıblar.
Dövlət Məşğulluq Xidmətinin rəisi Anar Bədəlbəyli Radio UNEC-də birgə verilişin hazırlanması təklifi ilə çıxış edib. Verilişdə əmək bazarının mövcud vəziyyəti ekspertlərlə birgə təhlil ediləcək, UNEC məzunları və tələbələrə əmək bazarının tələblərinə uyğun kadr hazırlığı qaydaları izah olunacaq. Nazirlik ilə UNEC-in birgə hazırlayacağı verilişdə dövlət xidməti tərəfindən konkret iş yerləri də təklif olunacaq.
Əziz tələbələr, qonaqlarla geniş müsahibəni bu axşam saat 22 00-da efirə gedəcək Radio UNEC-in “Məşhurlarla söhbət” verilişində dinləyə bilərsiz.