Bu tətbiqdə geniş axtarış parametləri vasitəsilə jurnalın nəşr növünü, impakt göstəricilərini, rəy və nəşr müddətini seçmək mümkündür. Elsevier Journal Finder tətbiqi tədqiqatçılara məqalələrin nəşri üçün düzgün jurnal seçməyə, birdən çox elmi istiqamət sahələrində çalışan müəlliflər üçün jurnalların müəyyən edilməsinə, xülasəyə uyğun Open-Access jurnalların təsbit olunmasına dəstək olur. Tətbiq haqqında geniş məlumatı video təlimatdan (https://www.youtube.com/watch?v=oiqu1cFgdWU) əldə etmək mümkündür.
Axtarış zamanı müəyyənləşdirdiyiniz jurnallar haqqında ətraflı məlumat almaq üçün www.scopus.com səhifəsinə istifadəçi adı və şifrənizlə daxil olaraq, “Mənbələr” (источники, sources) düyməsini klikləyib, açılacaq səhifədə “mənbənin axtarışı” hissəsinə elmi nəşrin adını daxil edib, “Axtarış” düyməsini klikləyirsiniz. Bu zaman jurnal haqqında geniş məlumat əldə etməklə yanaşı, Mənbənin əsas səhifəsinə (Source Homepage) keçid edə bilirsiniz.
Elsevier nəşriyyatının beynəlxalq elmi platformalarda indekslənən elmi nəşrlərinə (Scopus, Web of Science) məqalələrin təqdimi və qəbulu üçün Edtorial Manager sistemi tətbiq olunur. Bu elmi nəşrlərdə əsərlərinizi dərc etdirmək üçün qeyd olunan sistemin tətbiqi haqqında geniş məlumatı videotəlimatdan əldə edə bilərsiniz https://www.youtube.com/watch?v=fcfjIlVh3tw&t=19s.