UNEC Xanım Tədqiqatçılar Şurası Avropada Elmi Tədqiqat Proqramını Elan Edir!
UNEC Xanım Tədqiqatçılar Şurası və Obuda Universiteti Keleti Karoly Biznes və Menecment Fakültəsi arasında elmi əməkdaşlıq çərçivəsində UNEC xanım professor-müəllim heyəti və tədqiqatçıları üçün bir aylıq elmi tədqiqat proqramına müraciətləri qəbul etməyə başlayır.
İmkanlar:
- 1 aylıq ödənişsiz və tam şəraitli yataqxana təminatı
- Kitabxana və ofis təminatı
- Macar və beynəlxalq professorlarla elmi şəbəkələşmə imkanı
- Tədqiqat dövrü üçün elmi rəhbər dəstəyi
- Birgə həmmüəllifliklə məqalə yazmaq imkanı
- Macarıstanda beynəlxalq konfrans və seminar iştirakından faydalanma imkanı
Tələblər:
- Fəlsəfə doktoru elmi dərəcəsinə malik olmaq
- B2 səviyyəsində akademik ingilis dili bacarığı
- Yüksək motivasiya və tədqiqat aparma bacarığı
- Elmi şəbəkələşmə və əməkdaşlıq qurma bacarığı
- Zamanın düzgün idarə olunması
Seçilmiş namizəd (1 yer) bir aylıq dövrdə tədqiqatını tamamlamalı və nəticələri yüksək kvartilli elmi jurnala təqdim etməlidir.
Tələb olunan sənədlər:
- Akademik CV və
- Elmi nəşrlərin siyahısı (Scopus və Web of Science daxil olmaqla)
- 2 səhifəlik tədqiqat referatı və bir aylıq qısa tədqiqat planı (research proposal)
- Motivasiya məktubu
- Pasportun surəti
- Fəlsəfə doktoru diplomunun surəti
*
Müsabiqə Proseduru:
Proqram iki mərhələdən ibarətdir:
Birinci mərhələ: Təqdim olunan sənədlər UNEC Xanım Tədqiqatçılar Şurasının Elmi Komitəsi tərəfindən qiymətləndiriləcək.
İkinci mərhələ: Birinci mərhələni uğurla keçən namizədlərin sənədləri Obuda Universitetinin Keleti Karoly Biznes və Menecment Fakültəsinin professor heyəti tərəfindən dəyərləndiriləcəkdir.
Sənədlər bir PDF formatında [email protected] ünvanına təqdim olunmalıdır.
Son müraciət tarixi: 20 dekabr 2024
Əlavə məlumat üçün [email protected] elektron poçt ünvanına müraciət edə bilərsiniz.
Xüsusi Qeyd
Proqrama seçilmiş xanım tədqiqatçı uçuş bileti və yaşayış xərclərini (gündəlik yemək və şəxsi xərclər) özü qarşılayacaqdır. Bir aylıq yataqxana xərci isə Obuda Universiteti tərəfindən tam təmin ediləcəkdir.
Obuda Universiteti Haqqında
Macarıstanın paytaxtı Budapeştdə yerləşən Obuda Universiteti tətbiqi elmlər və iqtisadiyyat üzrə müasir tədris və tədqiqat imkanları təqdim edən qabaqcıl ali təhsil ocaqlarından biridir. Universitetin Keleti Karoly Biznes və Menecment Fakültəsi idarəetmə və iqtisadiyyat sahəsində elmi araşdırmalara, innovasiyalara və beynəlxalq əməkdaşlığa xüsusi diqqət yetirir. Universitetin tədqiqat mühitində çalışmaq sizə beynəlxalq akademik şəbəkələrə qoşulmaq, elmi biliklərinizi artırmaq və praktiki nəticələrə əsaslanan tədqiqatlar aparmaq imkanı təqdim edir.