Gənclər tariximizə sahib çıxmalıdır
Martın 30-da Azərbaycan Dövlət İqtisad Universitetinin (UNEC) İqtisadiyyat və sənaye fakültəsinin Tələbə Həmkarlar İttifaqı Təşkilatı (THİK) 31 Mart Azərbaycanlıların Soyqırımı gününə həsr olunan tədbir keçirib.
Fakültə dekanı Asiman Qiluyev 1918-ci ilin martında erməni daşnaklarının azərbaycanlılara qarşı törətdiyi soyqırımdan, xalqımızın üzləşdiyi tarixi faciələrdən danışıb. Bu cür anım tədbirlərinin tələbələrin təşəbbüsü ilə keçirilməsinin əhəmiyyətini vurğulayıb. Azərbaycanlıların soyqırımı barədə yalnız 31 mart tarixində deyil, hər zaman düşünməyi, tariximizə sahib çıxmağı tövsiyə edib. Tələbələri Azərbaycan həqiqətlərinin daha geniş şəkildə yayılması məqsədilə sosial medianın təqdim etdiyi imkanlardan geniş istifadə etməyə çağırıb.
Soyqırımı həqiqətlərinin dünyaya çatdırılmasında gənclərin üzərinə böyük vəzifə düşdüyünü deyən THİK fakültə sədri Arzu Əzimzadə, 31 Mart soyqırımı ilə bərabər, ermənilərin xalqımıza qarşı törətdiyi bütün vəşhilikləri, vandalizm aktlarını unutmamağın vacibliyini vurğulayıb.