Müraciətdə bildirilir:
“Hörmətli Ədalət müəllim, müəllim-professor heyəti, əziz tələbələr, məzunlar!
İlk öncə hamınızı İqtisad Universitetinin 95 illik yubileyi münasibətilə təbrik edirəm!
Bu təhsil ocağı müxtəlif illərdə fərqli adlara malik olmuşdur. Öncədən Xalq Təsərüffatı İnstitutu, sonradan adını dəyişib İqtisad Universiteti və UNEC kimi inkişaf etdirilmişdir. Ölkəmizdə ən çox tələbə sayına malik olan universitetlərdən biridir və buna baxmayaraq, ildən-ilə təhsilin səviyyəsi artır. Məhz bu artıma görə, bu irəliləyişə görə universitet dünya reytinqlərində irəliləməyə başlamışdır. Təbii ki, bütün bu işlər son illər ərzində görülən işlərin nəticəsidir. Bu işlər də təbii ki, ölkə başçısı cənab İlham Əliyevin həm gənclərə, həm təhsilə olan dəstəyin nəticəsidir.
Beş ildən sonra artıq universitet öz 100 illiyini qeyd edəcək. İnanıram ki, beş il ərzində yeni uğurlar əldə edəcəksiniz. Hər birinizi bu yubiley münasibətilə bir daha təbrik edirəm və yeni-yeni uğurlar arzu edirəm!”