i.f.d. Hüseyn Mustafa oğlu Həsənov
e-mail: hasanov.huseyn@unec.edu.az
26 aprel 1989-cu ildə anadan olmuşdur.
2007-2010-cu illərdə Avstriyanın İMC Krems Tətbiqi Elmlər Universitetinin “Turizm və Menecment” ixtisası üzrə ingilis dilində bakalavr təhsili almış və fərqlənmə ilə beynəlxalq diplom əldə etmişdir. 2012-2015-ci illərdə Avstriyanın İMC Krems Tətbiqi Elmlər Universitetinin “Turizm və Menecment” ixtisası üzrə beynəlxalq magistr təhsili almışdır.
Beynəlxalq və yerli akademik tədbirlərdə konfranslarda iştirak etmiş, peşəkar təlimlər vermiş və məqalələri çap olunmuşdur. 12 ildən artıq müddət ərzində xaricdə və yerli Beynəlxalq mehmanxanalarda sıravi və rəhbər vəzifələrdə çalışmışdır.
2017-2019-cu illərdə müxtəlif dövrlərdə Azərbaycan Turizm və Menecment Universitetində dekan müavini, Tədris İşləri üzrə Prorektor vəzifəsində çalışmışdır. 2018-2021-ci illərdə Azərbaycan Respublikası Dövlət Turizm Agentliyinin, Turizm siyasəti və strategiyası şöbəsinin, Təhsil və təlim sektorunun müdiri vəzifəsində çalışmışdır.
*
2017-ci ildən indiyədək, Avstriyanın İMC Krems Tətbiqi Elmlər Universiteti ilə ikili diplom proqramı çərçivəsində ATMU-da, Azərbaycan Avstriya Turizm Proqramında (AATP) müəllim kimi fəaliyyət göstərir, “Turizmdə İstehlakçı Davranışı”, “Mədəniyyətlər arası səriştə”, “Fərdi şəxsiyyət təlimləri” kimi fənləri ingilis dilində tədris edir. Həmçinin sentyabr 2021-ci il tarixindən UNEC SABAH Mərkəzi və Beynəlxalq İqtisadiyyat fakültəsində “Marketinq” və “Turizm və otelçilik sahəsində marketinq” fənlərini ingilis dilində tədris edir.
Azərbaycan Respublikasının Prezidenti yanında Ali Attestasiya Komissiyasının 14.12.2021-ci il tarixli qərarı ilə Həsənov Hüseyn Mustafa oğluna İqtisad üzrə fəlsəfə doktoru elmi dərəcəsi verilmişdir.
Hazırda UNEC-in Keyfiyyət təminatı şöbəsinin müdiridir.
Ailəlidir, bir övladı var.