İnnovativ Biznes İnkubatorun yeni startap layihələrinin müzakirəsi keçirilib
İyunun 18-də Azərbaycan Dövlət İqtisad Universitetinin rektoru, professor Ədalət Muradov ADİU-nun İnnovativ Biznes İnkubatorda fəaliyyət göstərən startapçılarla görüşüb.
İlk olaraq İnnovativ Biznes İnkubatorun layihələrin cari vəziyyəti barədə məlumat verilib. Fəaliyyət dövrü ərzində həyata keçirilən təlimlər, tanıtımla bağlı aparılan işlər barədə müzakirələr aparılıb. Bu zaman çərçivəsində qarşıya çıxan problemlər diqqətə çatdırılıb, qarşıya qoyulan yeni hədəflərə çatmaq üçün strategiya məsələləri barədə fikir mübadiləsi aparılıb.
Görüşdə tələbələrin maliyyə təlimləri və xidmət sektorları üzrə yeni ideya və layihələri ilə bağlı müzakirələri aparılıb. Təqdim olunan layihələrin təkmilləşdirilməsi istiqamətində tövsiyələr çatdırılıb.
Gələcəkdə İnnovativ-Biznes İnkubatora perspektivli layihələrin cəlb olunması istiqamətində fikir mübadiləsi aparılıb.