UNEC-in rektoru professor Ədalət Muradov yeni təyin olunmuş dekanı fakültə kollektivinə təqdim edib. Görüşdə Beynəlxalq İqtisad Məktəbində görülən işlər və qarşıya qoyulan hədəflərdən söz açılıb. Fakültənin fəaliyyətinin daha da yaxşılaşdırılması, təhsilin keyfiyyətinin dünya universitetləri səviyyəsinə qaldırılması ilə bağlı təkliflər səsləndirilib.
Ramil Quluzadə ona göstərilən yüksək etimada görə universitet rəhbərliyinə təşəkkür edib. Beynəlxalq İqtisadiyyat Məktəbinin yalnız Azərbaycanda deyil, ölkəmizdən kənarda da nüfuzunun daha da yüksəldilməsi məqsədilə böyük əzmlə çalışacağını bildirib.
Ramil Quluzadə haqqında.
25 iyul 1987-ci ildə Bakı şəhərində anadan olub.
2004-cü ildə 1 saylı fizika-riyaziyyat və informatika təmayüllü liseyi bitirib.
2004-2008-ci illərdə Azərbaycan Memarlıq və İnşaat Universitetinin Ümumi İqtisadiyyat fakültəsində bakalavr təhsili alıb.
2016-2018-ci illərdə ABŞ-ın Massaçusets Texnologiya İnstitutunun (MİT) Biznesin idarə edilməsi fakültəsində magistr təhsili alıb.
2010-2016-cı illərdə Trokas Holding şirkətində menecer vəzifəsində çalışıb.
2018-2019-cu illərdə İnnoVein Medical şirkətində menecer vəzifəsində çalışıb.
2020-2021-ci illərdə Xəzər Universitetinin MBA departamentinin direktoru olub.
*
https://news.unec.edu.az/xeber/125-universitet/8479-bold-red-ise-nin-yeni-dekani-kollektive-tegdim-olundu-bold-red