UNEC BİZNES MƏKTƏBİ
PROQRAM:BİZNESİN İDARƏ EDİLMƏSİ (MBA)
İXTİSASLAŞMA:LAYİHƏLƏRİN İDARƏEDİLMƏSİ
İxtisaslaşmanın məqsədi:
Layihələrin idarəedilməsi ixtisaslaşması sizin təşkilatlarda əsas problemləri müəyyən etmək, həvəsləndirmək, komanda işini aşılamaq, risklərə və kompleks layihələrə nəzarət etmək və səmərəli nəticələrə müvəffəq olmaq bacarığınızı artırır. Layihələrin idarəedilməsi ixtisaslaşması müxtəlif həcmli və əhatə dairəli layihələrin idarəedilməsi strategiyalarını öyrədir və real situasiyalara əsaslanan tapşırıqlarla layihələrdə rast gəlinən çətinliklərin qarşısını almağa imkan yaradır.
MBA proqramının müddəti və ünvanı:
Layihələrin idarəedilməsi ixtisaslaşması üzrə təhsil Avropa Kredit Transfer Sistemi uyğun olaraq 4 semestr (2 il) ərzində 10 ümumi fənn üzrə 60 kredit, 4 seçmə (ixtisas) fənn üzrə 24 kredit və buraxılış layihəsi üzrə 12 kredit olmaqla, cəmi 96 kreditlə tamamlanır.
Bu ixtisas üzrə kreditlər ABŞ Kredit Sisteminə ekvivalent olaraq hesablandıqda isə təhsil 4 semestr (2 il) ərzində10 ümumi fənn üzrə30 kredit, 4 seçmə (ixtisas) fənn üzrə 12 kredit və buraxılış layihəsi üzrə 6 kredit olmaqla, cəmi 48 kreditlə tamamlanır.
Dərslər payız, yaz və yay semestrlərində həftədə iki dəfə olmaqla, Bakı şəhəri, İstiqlaliyyət küçəsi 6, AZ1001 ünvanında keçirilir.Əlaqə: e-mail: mba@asue.edu.az,tel/fax +994124976267
MBA proqramına qəbul şərtləri:
Əsas təhsili iqtisadiyyat sahəsinə aid olan və olmayan ixtisaslar üzrə bakalavr dərəcəsi almış namizədlər DİM (Dövlət İmtahan Mərkəzi) qəbul imtahanından uğurla keçməklə MBA proqramına qəbul olunurlar.
MBA proqramında tədris metodlarının üstünlükləri:
Bu proqram ali təhsilli ixtisaslı mütəxəssislərə öz rəhbərlik keyfiyyətinin yüksəldilməsinə, sistemli bilik, bacarıq və işgüzar idarəetmə vərdişlərinin mənimsənilməsinə və peşəkarlıq səviyyəsinin davamlı olaraq artırılmasınıa müasir biznes informasiyasının araşdırılmasına, analitik düşünmə və qərarvermə qabiliyyətinın inkişafına, biznes etikası, təqdimat qabiliyyəti, vaxtın idarəedilməsi və sahibkarlıq məntiqinin formalaşdırılmasına şərait yaradır. Proqram magistrantları cəmiyyət, müəssisə və təşkilatların idarə olunmasında məsul vəzifələr tutmağa hazırlayır. Nəzəri və praktik məlumatlarla yanaşı, proqramda nümunə kimi konkret biznes halları (case study) müzakirə edilir, rol oynama, biznes oyunu, müxtəlif ssenarialarıntəqdimatları, qrup və layihə çalışmaları həyata keçirilir və bu zaman müasir tədris metod və texnologiyalarından istifadə edilir. Proqram ictimai əhəmiyyətli qeyri-hökumət, qeyri-dövlət və kommersiya yönümlü təşkilatlarda struktur və fəaliyyət sahəsinə təsir edəcək dəyişikliklərin çevik idarəedilməsi, qanunvericilikdə və biznes mühitində yeni meyillərin öncədən (proaktiv) araşdırılması vərdişlərini aşılayır. Magistrantın fənni mənimsəməsi həftəlik və yarım semestrlik testlər (quiz), dərsdə iştirak səviyyəsi, ev tapşırıqları və kumulativ (semestr imtahanı) imtahan əsasında (test və yazılı formada açıq suallardan ibarət olmaqla) qiymətləndirilir.
MBA proqramında tədris kadrları:
Proqram UNEC-in müəllimləri ilə yanaşı, digər ali təhsil müəssisələrinin professor-müəllim heyəti, ölkədə fəaliyyət göstərən yerli və xarici təşkilatlarda məsul vəzifədə çalışan rəhbər şəxslər, peşəkar menecerlər və müqavilə əsasında dünyanın aparıcı təhsil müəssisələrindən dəvət edilmiş professor-müəllim heyətinin elmi bilik və praktik potensialından faydalanır.
Diplom:
Təhsilini tamamlamış magistr öz ixtisası üzrə magistr elmi-ixtisas dərəcəsi və diplomu ilə təltif olunur və ona bu dərəcəyə uyğun olan hüquq və imtiyazlar verilir.
Layihələrin idarəedilməsi ixtisası üzrə keçirilən fənlər:
Birinci semestr:
SMO 652 Liderlik və təşkilati davranış
MGTSC 501 Biznes statistikası
ECON 503 Menecment iqtisadiyyatı
ACCTG 503 Maliyyə uçotu(F3)
İkinci semestr:
SMO 502 Strategiya, təşkilat və innovasiya
FIN 502 Korporativ maliyyə
PM 501 Layihələrin idarəedilməsinin əsasları
ACCTG 502 İdarəetmə uçotu(F2)
Üçüncü semestr:
PM 610 Layihə alətləri və texnikaları
BLAW 642 Biznes hüququ(F4)
Dördüncü semestr – 4 əsas seçmə fənn
PM 605 Layihələrin strateji planlaşdırılması və nəzarət texnikaları
PM 620 Müəssisə və layihə risklərinin idarəedilməsi
PM 635 Layihə heyətinin liderliyi
PM 615 Layihələrin idarəedilməsi sistemləri
PM 631 Müqavilələrvətəchizatınidarəedilməsi
PM 626 Xərclərin qiymətləndirilməsi və nəzarət
PM 641 Layihə portfelinin idarəedilməsi
PM 611 Layihələrin idarəedilməsinin maliyyələşdirilməsi
Buraxılış layihəsi (Capstone paper) – ixtisas sahəsinə aid olan aktual məsələlər üzrə