UNEC-in Elmi Şurasının 31 may 2020-ci il tarixli EŞ-172 nömrəli onlayn iclasının və 14 sentyabr 2020-ci il tarixli EŞ-173 nömrəli onlayn iclasının qərarlarının icrası məqsədilə 19 oktyabr 2020-ci il tarixdən “Ekspertiza və Standartlaşdırma” fakültəsi ləğv edilmiş və onun bazasında “Mühəndislik” fakültəsi yaradılmışdır.
UNEC-in Elmi Şurasının 829/3/2018 saylı əmri ilə 25 sentyabr 2018-ci il tarixdən “Əmtəəşünaslıq” fakültəsi “Ekspertiza və Standartlaşdırma” fakültəsi adlandırılıb.
Təxminən 1930-cu illərdə respublikada əmtəəşünaslıq ixtisası üzrə yüksək ixtisaslı mütəxəssislər hazırlanmağa başlandı. Ticarət-kooperativ, istehlak kooperasiyası, Sovet ticarəti, Sosial-İqtisadi və Azərbaycan Xalq Təsərrüfatı İnstitutunda müxtəlif adlar altında kadr hazırlığı aparılırdı. Bir neçə universitetin birləşməsi nəticəsində K.Marks adına AXTİ yaradıldı, ondan sonra 30-cu illərdə 6 fakültə (Planlaşdırma-İqtisadiyyat, Maliyyə-İqtisadiyyat, Kredit və İqtisadiyyat, Xalq Təsərrüfatı Mühasibat Uçotu, Hüquq) fakültələrindən biri də Sovet ticarəti fakültəsi idi. Bu fakültədə iki kafedra var idi – “Əmtəəşünaslıq” və “Sovet ticarətinin iqtisadi təşkili və texnologiyası”. O vaxt Əmtəəşünaslıq kafedrasına baş müəllim A.U.Quliyev rəhbərlik edirdi.
Sonrakı illərdə uzun müddət əmtəəşünaslıq ixtisası Ticarət-İqtisadiyyat fakültəsinin tərkib hissəsi olmuşdur. 1959-cu ildə AXTİ ADU ilə birləşdirildi. 1962-ci ildə ADU-da Əmtəəşünaslıq fakültəsi də yaradılmışdır. Əslində bu fakültənin yaradılması ilə ADU-da Ümumi İqtisadiyyat və Əmtəəşünaslıq fakültələrinin tərkibində böyük bir tədris hissəsi yaradılmışdır. İlk illərdə Əmtəəşünaslıq fakültəsinə prof. Soltan Salmanov, daha sonra prof. Ələsgər Qasımov rəhbərlik etmişdir.
*
1987-ci ildə N.A.Voznesenski adına LMİ-nin Bakı filialına çevrilən AXTİ-nin müstəqilliyi ləğv edildi. 1990-cı ildə Əmtəəşünaslıq ixtisası LMİ Xeyriyyə Fondundan ayrılmış və həmin ildən Azərbaycan Texnologiya İnstitutunun Əmtəəşünaslıq fakültəsi kimi fəaliyyətə başlamışdır. 1992-ci ildə fakültə Azərbaycan Texnologiya İnstitutunun Bakı filialına çevrilmişdir. 1993-cü il sentyabrın 1-dən 2000-ci il iyunun 13-dək filial müstəqil Bakı Əmtəə-Kommersiya İnstitutu kimi fəaliyyət göstərmişdir. O zaman instituta prof. A.P.Həsənov rəhbərlik edirdi.
2000-ci il iyunun 13-də AR Prezidentinin fərmanı ilə Bakı Əmtəə-Kommersiya İnstitutu Azərbaycan Dövlət İqtisad İnstitutuna birləşdirilib və Azərbaycan Dövlət İqtisad Universiteti yaradılıb. Lakin institutun ləğv edilməsinə baxmayaraq, onun bütün fakültələrinin, kafedralarının şöbələrinin funksiyaları İqtisad Universitetinin Texniki-Texnoloji İxtisaslar üzrə tədris vahidi kimi saxlanılıb. Kafedra 4 fakültə və 17 kafedranı birləşdirirdi.2004-cü ilin noyabrında bir sıra paralel fakültə və kafedralar universitetin müvafiq strukturuna birləşdirildi və iki fakültə qaldı: “Əmtəəşünaslıq”, “Texnologiya və Dizayn”.