Radio UNEC “UNEC sport” adlı yeni layihəyə başlayıb. Veriliş daha çox idman həvəskarları üçün nəzərdə tutulub. “UNEC sport” dinləyiciləri Azərbaycanda və dünyada baş verən ən son idman xəbərləri ilə tanış ola biləcəklər.
Verilişdə eyni zamanda İqtisad Universitetində bu sahədə həyata keçirilən yeniliklər barədə məlumat veriləcək, idman sahəsində nailiyyəti olan tələbələrlə görüşlər keçiriləcək.
Veriliş hər həftənin cümə günü, saat 18-00-da UNEC-in Biznes və menecment fakultəsinin 4-cü kurs tələbəsi Ülvi Quliyevin təqdimatında efirdə olacaq. Bununla da, Radio UNEC-də həyata keçirilən layihələrin sayı 21 olub.