Azərbaycan Dövlət İqtisad Universitetinin rektoru, prof. Ə.Muradov:
Hörmətli müəllimlər, əziz tələbələr!
Sizi qarşıdan gələn Dünya Azərbaycanlılarının Həmrəylik Günü və Yeni İl bayramı münasibətilə səmimi qəlbdən təbrik edirəm.
Azərbaycan Dövlət İqtisad Universitetinin 85 illik yubileyini qeyd etdiyimiz 2015-ci il hər birimiz üçün uğurlu və faydalı bir dönəm olduğunu əminliklə qeyd etmək olar.
Sahib olduğumuz dəyərləri paylaşaraq yola saldığımız ili universitet tarixinə özəl anlarla yazmağı bacardıq. Uğurlarımıza vəsilə olan, universitet adını zirvələrə daşıyan bütün müəllim və tələbələrimizə, bir sözlə UNEC ailəsinə sonsuz təşəkkürlərimi çatdırıram.
Son dərəcə qürur və sevinc hissi ilə hər birinizə yeni ildə möhkəm cansağlığı, ailə səadəti və xoşbəxtlik arzulayıram.
Uğur daim Sizinlə olsun!