a.f.d., dos. Ramil Əli oğlu Sadıqov
02.11.1983-cü il tarixində Füzuli rayonunda ziyalı ailəsində anadan olmuşdur.
1989-1990 tədris ilində X.Natavan adına 3 saylı Füzuli rayon tam orta məktəbinin birinci sinifinə getmiş, 1992-ci ildə müharibə ilə əlaqədar olaraq Bakıya köçmüş və təhsilini Xətai rayonu nəzdində yerləşən 46 saylı Füzuli rayon tam orta məktəbində davam etdirmişdir.
1999-2000 tədris ilində orta məktəbi əla qiymətlərlə bitirərək, elə həmən il də Bakı Dövlət Universitetinin Coğrafiya fakültəsinə “Ekologiya, ətraf mühiti mühafizə və təbii ehtiyatlardan səmərəli istifadə” ixtisasına daxil olmuş, təhsil aldığı müddətdə “əlaçı” təqaüdü ilə yanaşı rektor akademik A. Məhərrəmov tərəfindən “xüsusi təqaüd” ilə də təmin olunmuşdur.
2003-2004 tədris ilində Universiteti fərqlənmə diplomu ilə bitirərək, həmən fakültədə “Coğrafi ekologiya” ixtisasına yiyələnərək ali təhsilimi magistratura pilləsi üzrə davam etdirmiş və 2006-cı ildə diplom müdafiəsindən “əla” qiymət alaraq bitirmişdir.
15.01.2007 tarixində AMEA-nın “Eroziya və Suvarma ETİ”-nin “torpaqşünaslıq” ixtasası üzrə aspirantura-doktorantura pilləsinə daxil olmuşdur. Aspirant olduğu 3 il ərzində dissertasiya işi üzərində gərgin işləmiş, və mövzunu bitirərək müdafiə üçün təqdim etmişdir. 100-dən artıq elmi məqalə və tezislərin müəllifidir. Məqalələri azərbaycan, rus və ingilis dillərində, daxili və xarici nəşrlərdə dərc edilmişdir.
15.01.2010-01.01.2011 tarixində Azərbaycan Respublikasının Silahlı Qüvvələrinin Gədəbəy rayonunda “N” saylı hərbi hissəsində xidməti vəzifəsini (baş çavuş, sanitar-təlimatçı) yerinə yetirmişdir.
02.04.2012 tarixindən Ekologiya və Təbii Sərvətlər Nazirliyinin “İxtisaslaşdırma və İxtisasartırma İnstitutu”nun “Hidrometeorologiya və ətraf mühitin monitorinqi şöbəsi”ndə aparıcı-mütəxəssis vəzifəsində, 31.10.2012 tarxindən isə həmən şöbənin rəisi vəzifəsində çalışmışdır.
16.09.2013 tarixindən Azərbaycan Memarlıq və İnşaat Universitetinin “Hidrotexniki qurğular və hidravlika” kafedrasına tam ştat assistent vəzifəsində, 15.09.2014 tarixindən isə həmən kafedrada baş müəllim vəzifəsində fəaliyyətini davam etdirmiş, 2016-2017 tədris ilində Universitet daxilində aparılan elmi-islahatlar nəticəsində ixtisasıma uyğun olaraq “Ekologiya” kafedrasında konkursdan keçərək tam ştat baş müəllim vəzifəsində çalışmışdır.
2019-2022 tədris illərində Azərbaycan Dövlət Neft və Sənaye Universitetinin “Kimya texnologiyası” fakültəsinin “Neft-kimya texnologiyası və Sənaye Ekologiyası” kafedrasında dosent vəzifəsində çalışmışdır.
*
2022-2023 tədris ilindən etibarən Azərbaycan Dövlət İqtisad Universitetinin “Mühəndislik” fakültəsinin “Mühəndislik və Tətbiqi Elmlər” kafedrasında dosent vəzifəsində çalışır.
01.04.2014 tarixində “KİÇİK QAFQAZIN ŞİMAL-ŞƏRQ YAMACININ DAĞ-ƏKİNÇİLİK ZONASINDA TORPAQLARIN MÜNBİTLİK PARAMETR-LƏRİNƏ EROZİYA PROSESLƏRİNİN TƏSİRİ (Gədəbəy rayonu timsalında)” mövzusunda yazdığım dissertasiya işini müdafiə etmiş və AAK-nın qərarına əsasən aqrar elmlər üzrə fəlsəfə doktoru elmi dərəcəsi adına layiq görülmüşdür.
Elmi fəaliyyətini davam etdirmək üçün 2015-2016 tədris ilindən etibarən Azərbaycan Milli Elmlər Akademiyasının Torpaqşünaslıq və Aqrokimya İnstitutunda “YENI ŞƏMKİRÇAY SU ANBARI HÖVZƏ TORPAQLARININ EKOLOJİ QİYMƏTLƏNDİRİLMƏSİ” mövzusunda Akademik Q.Ş. Məmmədovun elmi məsləhətçiliyi altında torpaqşünaslıq və ekologiya ixtisası üzrə doktorluq dissertasiyası mövzusu üzərində tədqiqat aparır.
100-dən çox elmi məqalənin müəllifi (daxili və beynəlxalq nəşrlərdə), 60-dan çox bakalavr və magistr diplomçunun elmi rəhbəri olmuşdur.
Azərbaycan Dövlət İqtisad Universitetinin “Mühəndislik və tətbiqi elmlər” kafedrasının dosentidir.
23.11.2024-cü il tarixindən 0,5 ştat əvəzçiliklə dosent vəzifəsində saxlanılmaqla Laboratoriyaların işinin təşkili mərkəzinin direktoru vəzifəsinə təyin edilib.
R.Sadıqov UNEC News-da
AKADEMİK PROFİLLƏR