Fevralın 23-də Azərbaycan Respublikası Satınalmalar üzrə Dövlət Agentliyi Azərbaycan Dövlət İqtisad Universiteti (ADİU) tələbələrinə təlim keçib.
ADİU ilə Azərbaycan Respublikası Satınalmalar üzrə Dövlət Agentliyi arasında ikitərəfli danışıqlara əsasən, tələbələrin satınalmalar sahəsində biliklərinin artırılması, həmçinin universitetdə satınalma mütəxəssislərinin yetişdirilməsi məqsədilə agentliyin mütəxəssisləri tələbələrə təlimlər keçəcək. Təlimdə dövlət satınalmalarının planlaşdırılması, satınalma metodları və onların tətbiqi şərtləri, texniki spesifikasiyaların hazırlanması və satınalma müqavilələrinin bağlanması haqqında məlumatlar veriləcək. Təlimlərə universitetin bütün fakültələrindən olan bir qrup tələbə cəlb ediləcək. Təlimin sonunda iştirakçılara sertfikatlar təqdim olunacaq.
Qeyd edək ki, təlimlər fevralın 28-dək davam edəcək.