Sentyabrın 20-də Azərbaycanda keçirilən “Sülh aylığı” çərçivəsində UNEC-in Zaqatala filialında “Sülh inkişafın əsas təməlidir” mövzusunda dəyirmi masa keçirilib.
Ümumi fənlər kafedrasının müdiri, dosent Həqiqət Qədimova bildirib ki, sülh inkişafın əsas təməlidir. Bu mövzu torpaqlarının 20 faizi hələ də işğal altında qalan, bir milyondan çox qaçqın və məcburi köçkünü olan Azərbaycan üçün xüsusi əhəmiyyət kəsb edir.
*
Azərbaycan xalqının ümummilli lideri Heydər Əliyevin sülhün və əmin-amanlığın əldə olunması istiqamətindəki əvəzsiz xidmətlərinin bütün dünya xalqları tərəfindən yüksək dəyərləndirildiyini vurğulayan H.Qədimova, Ulu Öndərin sülhsevər siyasətinin bu gün Prezident İlham Əliyev tərəfindən uğurla davam etdirildiyini diqqətə çatdırıb.
Sonda tədbir iştirakçılarını maraqlandıran suallar cavablandırılıb.