UNEC ailəsi: “Gəlin tanış olaq”
Azərbaycan Dövlət İqtisad Universitetinin (UNEC) müəllim və tələbələri Qusar rayonunda səfərdə olublar. Tədbir “Gəlin tanış olaq” devizi altında keçirilib. Universitetin əcnəbi tələbələrinin də qatıldığı tədbirin məqsədi Azərbaycanın müxtəlif bölgələrini daha yaxından tanımaq və tələbə-müəllim arasında səmimi UNEC ailəsi münasibəti yaratmaq olub.
Səfər zamanı, tələbələrlə müəllimlər qeyri-rəsmi söhbət edib, bir-biri ilə daha yaxından tanış olublar. İqtisadi məsələlər üzrə prorektor, müharibə veteranı Mikayıl Zeynalov döyüş xatirələrini gənclərlə bölüşüb. Onların vətənpərvər olması, vətənə layiqli şəxsiyyət kimi yetişməsi üçün tövsiyələr verib.
Sonra müəllim və tələbələr müxtəlif oyunlar oynayıb, idman yarışları təşkil ediblər.
Səfər UNEC-in Tələbə Həmkarlar İttifaqı Komitəsinin dəstəyi ilə baş tutub.