UNEC Biznes Məktəbinin MBA proqramının tədris proqramı yüksək qiymətləndirilib
Amerika Qiymətləndirmə Assosiasiyası, Siyasi Psixologiya üzrə Beynəlxalq Cəmiyyət, Amerika Psixologiya Cəmiyyətinin üzvü, ABŞ-ın təhsil və inkişaf layihələri üzrə uzun illər Afrika dövlətlərində rəhbər vəzifələr tutmuş doktor James M.Statman Azərbaycan Dövlət İqtisad Universitetinin (UNEC) rektoru professor Ədalət Muradova UNEC Biznes Məktəbinin MBA proqramının tədris proqramına dair tərif məktubu göndərib.
Doktor James M.Statman qeyd edib ki, UNEC Biznes Məktəbinin MBA proqramının tədris proqramına daxil edilən konsepsiya, tədris materialları, texniki və praktiki tapşırıqlar proqramı bitirən tələbələrə özəl və dövlət sektorunda, regional və qlobal şirkətlərdə peşəkar uğur qazanmağa kömək edəcək.
MBA proqramının dərin və əhatəli akademik kursları dünya səviyyəli akademik və peşəkar standartlara tam uyğundur. Uzun illər inkişaf proqramlarının qiymətləndirilməsi və icrasında təcrübəli şəxs kimi fəaliyyət göstərən cənab Statman qeyd edir ki, MBA proqramı Azərbaycanda dünya standartlarına cavab verən və rəqabətə davamlı işçi qüvvəsinin formalaşdırılmasında böyük kömək edəcək və buna görə UNEC-i təbrik edir.