“UNEC COURSERA-nın təkcə Azərbaycan deyil, regionda təbii əməkdaşıdır”
COURSERA beynəlxalq onlayn təhsil platformasının Avropada Universitet üzrə əməkdaşlıq direktoru Andy Poole UNEC-də olub.
Andy Polle UNEC-in EDUMAN platforması, UNEC Ekstern Mərkəzi (Distant Təhsil Mərkəzi), hibrid auditoriyalar, UNEC Bloomberg Maliyyə Laboratoriyası, imtahan zalı, Karyera Mərkəzi, 7/24 kitabxanası ilə tanış olduqdan sonra rektor, professor Ədalət Muradovla görüşüb.
UNEC-də təhsilin rəqəmsallaşması istiqamətində görülmüş işlərdən məmnunluğunu bildirən A.Poole qeyd edib ki, UNEC COURSERA-nın təkcə Azərbaycanda deyil, bütövlükdə regionda təbii əməkdaşıdır”.
Görüşdə “UNEC-100” İnkişaf Strategiyasında müəyyən edilmiş hədəflərə nail olmağa yardım məqsədilə COURSERA-nın UNEC-in tədris prosesinə inteqrasiya edilməsi, Karyera Akademiyası, UNEC-in müəllim və əməkdaşlarının Süni İntellekt (AI) və Generativ Süni İntellekt (GAI) üzrə kurslarda iştirak imkanları və digər mümkün əməkdaşlıq istiqamətləri müzakirə olunub.
*
https://news.unec.edu.az/xeber/125-universitet/11193-unec-coursera-nin-tekce-azerbaycan-deyil-regionda-tebii-emekdashidir