UNEC-də 62 kitab müzakirəsi keçirilib
2024-cü il ərzində Azərbaycan Dövlət İqtisad Universitetində (UNEC) kafedraların təşkilatçılığı və UNEC Kitabxana İnformasiya Mərkəzinin dəstəyi ilə “UNEC-də Kitab Müzakirələri” adlı layihə həyata keçirilib.
Layihə çərçivəsində kafedralarda UNEC müəllimlərinin, eləcə də dünya miqyasında tanınmış alimlərin müxtəlif sahələri əhatə edən 62 adda kitabının müzakirəsi təşkil olunub.
Kitab müzakirələrinin məqsədi müəllim-tələbə heyətinə oxu və müzakirə vərdişlərini təşviq etmək, eləcə də onları müasir nəşrlərlə tanış etmək olub. Müəllim və tələbələrin böyük maraqla iştirak etdikləri müzakirələr müxtəlif mövzularda fərqli yanaşmaların ortaya çıxması, müasir iqtisadi, sosial, eləcə də digər sahələr üzrə yeni elmi fikirlərin formalaşması istiqamətində də mühüm əhəmiyyət kəsb edib.