UNEC-də ADA Universitetinin müəlliminin açıq dərsi keçirilib
Noyabrın 25-də ADA Universitetinin müəlliməsi Tuğraxanım Musayeva UNEC-in “İqtisadiyyat və Sənaye” fakültəsində açıq dərs keçib. Dərs “Sosial mediada marketinq” mövzusuna həsr edilib.
Fakültənin dekanı Asiman Quliyev bu dərsi UNEC və ADA arasında əməkdaşlığın yeni əsasda inkişafının tərkib elementi kimi dəyərləndirib.
Sonra Tuğraxanım Musayeva dərsə başlayaraq, günümüzdə şirkətlərin fəaliyyətlərinin qurulmasında sosial medianın, sosial şəbəkələrin rolu haqda maraqlı təqdimatla çıxış edib.
Dərsdə fakültənin dekan müavini Səbuhi Tanrıverdiyev və “Marketinq” kafedrasının müdiri Telman İmanov sosial platformalar vasitəsilə brendə və ya məhsula diqqətin cəlb edilməsi prosesini özündə ehtiva edən sosial mediada marketinqin əhəmiyyəti barədə tələbələrə məlumat verib.
Sonda “Sosial mediada marketinq” mövzusunda maraqlı açıq dərsin təşkilinə görə Tuğraxanım Musayevaya fakültə adından “Təşəkkür sertifikatı” təqdim edilib.
Layihə hər iki universitet arasında əldə edilən əməkdaşlıq çərçivəsində reallaşdırılıb.