UNEC kafedra müdirinin açıq dərsi
Dekabrın 11-də Azərbaycan Dövlət İqtisad Universitetinin (UNEC) Marketinq kafedrasının müdiri dos. Telman İmanov açıq dərs keçib. Marketinq ixtisasında təhsil alan tələbələr üçün təşkil edilən dərs “Azərbaycan Respublikasının əmtəə bazarında marketinq texnologiyalardan istifadənin spesifik cəhətləri” mövuzuna həsr edilib.
T.İmanov dərs zamanı müasir bazar münasibətləri şəraitində marketinqin aktuallığından bəhs edib. Bu sahədə inkişaf üçün hazırda mövcud problemlərə diqqət çəkən məruzəçi, iştirakçılara çıxış yolları barədə də məlumatları çatıdırıb. Əmtəə bazarında istehlakçı davranışlarının inkişaf dinamikası haqqında məlumatlar və təhlillər maraqla qarşılanıb.
Açıq dərsin sonunda tələbələrin sualları cavablandırılıb, bu sahədə mütəxəssis olmaq üçün onlara lazımi tövsiyələr verilib.