UNEC ilə STEAMLAND İTM arasında əməkdaşlıq memorandumu imzalanıb
Azərbaycan Dövlət İqtisad Universiteti (UNEC) ilə STEAMLAND İnnovasiya və Tədqiqat Mərkəzi əməkdaşlığa dair memorandum imzalanıb.
UNEC-in Elm və innovasiya məsələləri üzrə prorektor prof. Rövnəq Rzayev ilə STEAMLAND İnnovasiya və Tədqiqat Mərkəzi adından Mərkəzin direktoru Nəriman Qaraxani tərəfindən imzalanmış memorandumun məqsədi təhsil və texnologiya transferi sahələrində əməkdaşlığın genişləndirilməsi olub. Eyni zamanda STEAM layihələri, icmalar, akademik proqramlar, simulyasiya oyunları, olimpiadalar və hakatonlar üzərində birgə iş aparmaq, təhsil resurslarını inkişaf etdirmək və bu resursların dünya üzrə tələbə və məktəblilərə, həmçinin ictimaiyyətə əlçatanlığını təmin etməkdir.
Əməkdaşlıq çərçivəsində əldə edilən resurslar və nəticələr taskool.com və taskilled.com platformaları vasitəsilə tələbə və məktəblilərə çatdırılacaq.
Qeyd edək ki, bu platformalar şagirdlər arasında məqsədyönlü düşüncə tərzini yayaraq, erkən məktəb yaşlarından etibarən məktəblilərin bacarıq və maraqlarına uyğun ən doğru peşə və universitet seçiminə dəstək göstərən təhsil platformasıdır. Universitet isə öz növbəsində tələbə və müəllimləri STEAMLAND-in layihələrində iştirak etməyə təşviq edəcək və texniki-təşkilati dəstək göstərəcəkdir.
UNEC ilə STEAMLAND İTM arasında əməkdaşlıq memorandumu imzalanıb